दिब्य दरस 16:21 - Garhwali

²¹ अर आसमान बटि एक-एक दुण बराबर ढांडो लोगु पर पोड़ि, अर ईं विपदा की वजै से लोगु न परमेस्वर की बेजती कैरी, किलैकि या विपदा मनखियों का सौण से भैर छै।

गढवली नयो नियम

²¹ बड़ा-बड़ा ओलों आसमान मा बट्टी लुखुं पर गिरिनि, ज्यांमा हर एक ओला को वजन करीब 50 किलो छो। यांका बाद ऊंल, स्वर्ग का पिता परमेश्वर की बुरै कैरी।

दिब्य दरस 16:21 ပူးပေါင်းရင်းမြစ်များ

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 16:11

तब ऊंन अपणी पीड़ा अर फोड़े की वजै से स्वर्ग मा रौण वळा परमेस्वर की बेजती कैरी, मगर फिर भि ऊंन अपणा बुरा कामों से पस्ताप नि कैरी।

दिब्य दरस 16:9

अर चटकतळ्या घामों से लोग फुकै गैनी, तब ऊंन परमेस्वर की बेजती कैरी जैका पास यों सब विपदाओं से बचण को अधिकार च, अर ऊं लोगु न पस्ताप नि कैरी अर ना ही ऊंन परमेस्वर की बडै कैरी।

दिब्य दरस 8:7

अर जब पैला स्वर्गदूत न बिगुला बजै, तब ल्वे मिल्यूं ढांडो अर आग पैदा ह्‍वे, जु की धरती पर ढुळै गै। अर इन होण से जमीन का तीन हिस्सों मदि एक हिस्सा फुकै गै, अर इन्‍नि डाळों को एक हिस्सा फुकै गै, अर पूरि हरीं घास भि फुकै गै।