दिब्य दरस 16:13 - Garhwali

¹³ फिर मिन खुंखार रागस का गिच्‍चा बटि अर वे दैंत का गिच्‍चा बटि, अर वे झूठ्‍ठा रैबर्या का गिच्‍चा बटि मिढकों का जन तीन अशुद्ध खबेसों तैं निकळद देखि।

गढवली नयो नियम

¹³ यांका बाद मिल तीन दुष्टात्माओं तैं देखि जु दिख्योण मा मिंढ़खा का जन छा। एक अजगर का गिचा बट्टी भैर ऐ, एक पैला जानवर का गिचा बट्टी, अर एक दुसरा जानवर का गिचा बट्टी भैर ऐ, मतलब की जौनु झूठो संदेश द्ये छो।

दिब्य दरस 16:13 ပူးပေါင်းရင်းမြစ်များ

मत्ती 7:15

अर यीशु न बोलि, “झूठ्‍ठा रैबर्यों बटि बचि के रा, किलैकि उ भेड़ों की तरौं सीदु बणि के तुमरा पास औन्दिन, पर असल मा ऊ भितर बटि एक खतरनाक भेड़िया का जन छिन।

दिब्य दरस 16:14

अर यू वु खबेस छिन जु कि चमत्कार करदिन, अर यू जैके पूरि दुनियां का राजाओं तैं सर्वसक्‍तिमान परमेस्वर का खिलाप मा युद्ध करणु खुणि जमा करदिन, ताकि परमेस्वर का महान दिन मा यू वेका दगड़ा मा युद्ध कैर सैका।

दिब्य दरस 18:2

अर वेन ऊँची आवाज मा चिल्‍लै के बोलि, “पतन ह्‍वे गै, पतन ह्‍वे गै, वीं वेश्या को पतन ह्‍वे गै जु कि बड़ु नगर बेबीलोन च, वु त खबेसों को घौर, अर हरेक किसम की अशुद्ध अर गन्दा पंछियों को घोल च, अर हरेक अशुद्ध अर घिण औणा वळा जानबर को उड़्यार बणि गै।

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।

दिब्य दरस 20:10

तब शैतान तैं जैन ऊं लोगु तैं भरमै छौ परमेस्वर का द्‍वारा वीं आग अर गंधक का कुण्ड मा डळै गै, जख दैंत अर झूठ्‍ठा रैबर्या तैं डळै गै छौ। अर उख ऊ दिन-रात हमेसा-हमेसा खुणि पीड़ा मा तड़पणा राला।