दिब्य दरस 15:1 - Garhwali

¹ फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।

गढवली नयो नियम

¹ यांका बाद जब उ खत्म हवे गै, त मिल आसमान मा एक और अलग चिन्ह देखि जु कि भौत अद्भुत अर भौत डरांण वलो छो। उ सात स्वर्गदूत छा जु सात अलग-अलग ढंग की विपत्तियों तैं लियां छा। उ विपत्तियां आखरी छै किलैकि जब उ खत्म हवे जाली तब पिता परमेश्वर का गुस्सा भि पूरो हवे जालो।

दिब्य दरस 15:1 ပူးပေါင်းရင်းမြစ်များ

दिब्य दरस 10:3

अर उ शेर की तरौं डुकरताळ मारी के चिल्‍लै। अर जब उ चिल्‍लै त बादळों मा बटि गगड़ाट की सात आवाज सुणैनी।

दिब्य दरस 11:14

अर दुसरि विपदा भि पूरि ह्‍वे गै, अर जल्द तिसरी औण वळी च।

दिब्य दरस 14:10

त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।

दिब्य दरस 14:19

तब वे स्वर्गदूत न धरती पर अपणु दथड़ु चलै, अर धरती का अंगूर की बेल पर बटि अंगूरों का गुच्छों तैं काटी के रसकुण्ड मा ढोळि दिनी, जैको मतलब इन च कि परमेस्वर को परकोप।

दिब्य दरस 16:1

फिर मिन स्वर्ग का मन्दिर मा बटि कैतैं ऊँची आवाज मा ऊं सात स्वर्गदूतों से इन बुल्द सुणी कि, “जा, परमेस्वर का परकोप से भोर्यां सात कटोरों तैं धरती पर अखणै द्‍या।”

दिब्य दरस 17:1

अर येका बाद इन ह्‍वे कि जौं सात स्वर्गदूतों का पास सात कटोरा छा ऊं मदि एक न मेरा पास ऐके बोलि कि, “इख अऽ, मि त्वेतै दिखान्दु कि दुनियां की सबसे बड़ी वेश्या तैं मिलण वळु दण्ड क्या च, ज्वा कि भौत सि गाडो का छाला पर बैठि च।

दिब्य दरस 19:15

अर वेका गिच्‍चा बटि एक पैनी तलवार निकळणी छै, ताकि उ देस-देस का बुरा लोगु को नास वीं तलवार से कैरो। अर वु लोखरो जांठु लेके बड़ी सख्‍तै से सासन करलु, अर सर्वसक्‍तिमान परमेस्वर का परकोप का द्‍वारा वे रसकुण्ड मा ऊंतैं एक रस की तरौं पितेड़ द्‍यालु।

दिब्य दरस 21:9

फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”

दिब्य दरस 8:13

तब मिन आसमान मा एक चील तैं उड़ण देखि अर मिन वेतैं ऊँची आवाज मा इन बुल्दु सुणी कि, “धरती पर रौण वळा लोगु, तुम पर हाय च, हाय, किलैकि तीन और स्वर्गदूतों छिन जौन अभि अपणु-अपणु बिगुलो बजौण।”

दिब्य दरस 8:2

तब मिन ऊं सात स्वर्गदूतों तैं देखि, जु कि परमेस्वर का समणि खड़ा रौनदिन, अर ऊंतैं सात बिगुला दिये गैनी।

दिब्य दरस 8:6

अर जौं सात स्वर्गदूतों मा सात बिगुला छा, वु ऊंतैं बजौणु खुणि तयार ह्‍वे गैनी।

दिब्य दरस 9:20

मगर जु लोग यों पीड़ाओं मा बटि भि बचि गैनी ऊंन फिर भि अपणा-अपणा कामों से पस्ताप नि कैरी बल्किन मा खबेसों अर सोना-चांदी, पीतळ, ढुंगो अर लखड़े की बणि मूरतों तैं पूजणा रैनी, जु कि नऽ त देखि सकदिन, ना सुणी सकदिन, अर ना ही चलि-फिरी सकदिन।