दिब्य दरस 14:6 - Garhwali

⁶ फिर मिन एक और स्वर्गदूत तैं देखि जु की आसमान मा उड़णु छौ, अर वेका पास सदनि तक रौण वळु शुभ समाचार छौ, ताकि धरती पर रौण वळा सब देसों, गोत्रों अर हरेक भाषा अर जाति-जाति का लोग तैं यू शुभ समाचार सुणये जौ।

गढवली नयो नियम

⁶ अर मिल एक और स्वर्गदूत तैं आसमान मा ऊँचा पर उड़दि देखि। वे स्वर्गदूत को वे शुभ सन्देश प्रचार तैं लियुं छो जु कभी भि नि बदलद, वेल दुनिया मा रौंण वली सभि जातियों का लुखुं, हर एक देश, हर एक गोत्र अर हर किस्म की भाषा मा यांकि बात बतै।

दिब्य दरस 14:6 ပူးပေါင်းရင်းမြစ်များ

मत्ती 10:27

अर राज कि जु बात मि राति तुमतै बतौन्दु, तुम दिन का उज्याळा मा वु लोगु तैं बता, अर जु कुछ भि मिन तुमरा कन्दूड़ मा बोलि, तुम खुलाआम जैके लोगु मा वेको परचार कैरा।

मरकुस 16:15

अर वेन ऊंकू बोलि, “तुम पूरि दुनियां मा जैके शुभ समाचार को परचार दुनियां का सब लोगु तैं सुणा।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

इब्रानी 13:20

हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।

1 पतरस 1:25

मगर प्रभु को वचन हमेसा तक बणयूं रौन्दु।” अर यू शुभ समाचार यीशु मसीह को वु वचन च जु तुमतै सुणये गै।

दिब्य दरस 10:11

अर येका बाद मिकू इन बुले गै कि, “त्वेतै भौत सि जातियों, देसों अर अलग-अलग भाषा का लोगु खुणि, अर भौत सा राजाओं का बारा मा और भविष्यबाणी करण होलि।”

दिब्य दरस 10:7

पर जब सातु स्वर्गदूत को बिगुलो बजौण को बगत आलु, त वे बगत परमेस्वर अपणी छिपी योजना तैं पूरि करलु, जैकी घोसणा वेन अपणा सेवकों याने कि अपणा रैबर्यों का द्‍वारा कैरी छै।”

दिब्य दरस 13:7

अर वेतैं इन इजाजत दिये गै कि उ बिस्वासी लोगु का दगड़ा मा युद्ध कैरो अर ऊं पर जीत हासिल कैरो, अर हरेक गोत्र, जाति, अर भाषा अर देस-देस का लोगु पर वेतैं अधिकार दिये गै।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

दिब्य दरस 8:13

तब मिन आसमान मा एक चील तैं उड़ण देखि अर मिन वेतैं ऊँची आवाज मा इन बुल्दु सुणी कि, “धरती पर रौण वळा लोगु, तुम पर हाय च, हाय, किलैकि तीन और स्वर्गदूतों छिन जौन अभि अपणु-अपणु बिगुलो बजौण।”