दिब्य दरस 14:13 - Garhwali

¹³ फिर मिन स्वर्ग बटि एक आवाज सुणी कि, “हे यूहन्‍ना ईं बात तैं लिख ले, ‘धन्य छिन ऊ लोग जु अब प्रभु पर बिस्वास रखी के मुरदिन।’” अर पवित्र आत्मा भि इन बोन्‍नु च कि, “हाँ धन्य छिन वु लोग, जौन धरती पर दुख-तकलीफ तैं सै अर भलै का काम करिनी, इलै अब ऊंतैं स्वर्ग मा इनाम दिये जालु।”

गढवली नयो नियम

¹³ दुबरा मिल स्वर्ग बट्टी कै तैं बुल्द सूंणि अर वेल मि बट्टी बोलि; यूं बातों तैं इख लिख अब बट्टी, उ लोग धन्य छिनी जु पिता परमेश्वर पर भरोसो कैरी के मोरि जंदींनि। तब पवित्र आत्मा यां बट्टी सहमत हवे, वेल बोलि, “यु सच च, उ धन्य छिनी किलैकि उ अपड़ा कठिन मेहनत बट्टी आराम पाला अर जु काम ऊंल करिनि ऊं तैं वांको प्रतिफल दिये जालो।”

दिब्य दरस 14:13 ပူးပေါင်းရင်းမြစ်များ

मत्ती 3:17

अर सुणा, स्वर्ग बटि इन आवाज ऐ कि, “यू मेरु लाडलु पुत्र च, अर मि येसे भौत खुश छौं।”

लूका 16:25

पर अब्राहम न बोलि, ‘बेटा, याद कैर तिन अपणा जीवन मा वु सब कुछ पै ज्यां की त्वेतै जरुरत छै, जब की लाजर न खैरि खै मगर अब वेतैं इख सुख-शान्ति मिलणी च, अर त्वेतै उख खैरि।

लूका 16:9

अर मि तुम बटि बोन्‍नु छौं कि, ‘दुनियां की दौलत का छौन्द तुम अफु खुणि दगड़्या बणैल्या, ताकि जब वा दौलत खतम ह्‍वे जौ, त ऊ तुमरो स्वागत सदनि का घौर मा करला।’

1 कुरिन्थि 15:20

मगर हे मेरा भै-बैंणो, मि तुमतै सच्‍च बतै देन्दु कि सबसे पैलु मनखि यीशु मसीह ही च जैतैं पिता परमेस्वर न मुरदो मा बटि ज्यून्दु कैरी। अर वु ईं बात को सबूत च कि पिता परमेस्वर अपणा लोगु तैं भि जरुर मुरदो मा बटि ज्यून्द करलु।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

फिलिप्पी 2:17

अर प्रभु मा तुमरा बिस्वास अर तुमरा द्‍वारा किये जाण वळी सेवा, परमेस्वर खुणि अरपण मा चड़ईं भेंट का जन च, अर अगर जु मितैं अपणु बलिदान या अपणु खून एक खास तेल की तरौं चड़ौण पोड़लु, त तभि भि मि खुश छौं अर मि ईं खुशी को साझा तुमरा दगड़ा मा भि करदु।

1 थिस्सलुनीकी 4:14

किलैकि हम यू बिस्वास करद्‍यां, कि यीशु मोरि अर फिर ज्यून्दु भि ह्‍वे गै। इलै हम इन भि बिस्वास करद्‍यां, कि जब यीशु मसीह वापस आलु तब जु लोग वे पर बिस्वास कैरिके मोरि गैनी, ऊं बिस्वासियों तैं भि परमेस्वर मौत बटि ज्यून्दु करलु, अर वु भि यीशु का दगड़ा मा आला।

1 थिस्सलुनीकी 4:16

किलैकि जब एक बड़ी आवाज का साथ एक आज्ञा दिये जालि, अर परमेस्वर का परधान स्वर्गदूत को शब्द सुण्यालु, अर परमेस्वर का बिगुले की आवाज सुण्यालि, तब यीशु मसीह स्वर्ग बटि आलु अर जु लोग वे पर बिस्वास कैरिके मोरि गैनी, ऊ पैलि ज्यून्दा ह्‍वे जाला।

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

1 तीमुथियुस 5:24

अर कुछ लोग पाप करदिन अर ऊंकी जाँच-पड़ताल होण से पैलि ही लोगु तैं पता चलि जान्दु, कि वु लोग पापि छिन। पर कुछ लोग त लुकि-छिपी के पाप करदिन, अर ऊंकी जाँच-पड़ताल होण तक कैतैं भि कुछ पता नि चलदु। अर ठिक उन्‍नि कुछ लोगु का भला काम भि सभ्यों तैं पता चलि जनदिन। अर जौं भला कामों का बारा मा पता नि होन्दु, वु काम भि हमेसा खुणि छिप्यां नि रै सकदिन।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

दिब्य दरस 10:4

अर जब सात आवाज ह्‍वे गैनी, त मि लिखण वळु छौ, मगर मिन स्वर्ग बटि एक आवाज सुणी जैन मिकू बोलि, “सात आवाजों मा जु बुले गै, ऊंतैं लिख ना बल्किन मा छिपै के रख।”

दिब्य दरस 11:15

अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 16:17

तब सातवां स्वर्गदूत न अपणु कटोरा हवा मा अखणै दिनी, अर मन्दिर की राजगद्‍दी बटि एक ऊँची आवाज ऐ, “पूरु ह्‍वे गै।”

दिब्य दरस 19:9

फिर स्वर्गदूत न मिकू बोलि, “लिख ले, धन्य छिन ऊ, जु मेम्‍ना का ब्यौ की दावत मा न्यूत्यां छिन।” अर वेन इन भि बोलि, “यू परमेस्वर का सच्‍चा वचन छिन।”

दिब्य दरस 2:1

तब यीशु न मिकू बोलि कि, “इफिसुस नगर मा रौण वळा बिस्वासी समुदाय का दूत खुणि इन लिख कि: “यीशु जैका दैंणा हाथ मा सात गैंणा छिन, अर जु सोने की सात दीपदानों का बीच मा चलदु च उ इन बुल्दु कि:

दिब्य दरस 2:7

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, मि वेतैं जीवन देण वळा डाळा को फल खाणु कू द्‍यूलु, जु कि स्वर्ग मा परमेस्वर का पास च।”

दिब्य दरस 21:5

तब जु राजगद्‍दी पर बैठयूं छौ वेन बोलि, “देख, मि सब कुछ नयू बणौणु छौं।” अर वेन फिर मिकू बोलि, “लिख ले, किलैकि यू वचन भरोसा का लैख अर सच्‍चा छिन।”

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।

दिब्य दरस 6:11

अर ऊंमा बटि हरेक तैं एक सफेद चोळा दिये गै। अर ऊंतैं कुछ देर तक रुकणु कू बुलै गै, जब तक कि ऊंका ही जन दुसरा बिस्वासी भैयों अर सेवकों की गिनती पूरि नि ह्‍वे जौ, जौं की हत्या ऊंकी ही तरौं किये गै।