दिब्य दरस 14:1 - Garhwali

¹ अर मिन देखि कि यीशु जु कि मेम्‍ना च यरूशलेम नगर का सिय्योन ढौंडा मा खड़ु होयुं च। अर वेका दगड़ा मा एक लाख चवालीस हजार लोग खड़ा होयां छिन, जौं का माथा पर यीशु अर वेका पिता को नौ लिख्यूं च।

गढवली नयो नियम

¹ यांका बाद, मिल कुछ और देखि, मिल सिय्योन डांडा पर चिनखा तैं खड़ो देखि। वे दगड़ी वेका एक लाख चवालीस हजार लोग छा, ऊंका कपाल पर चिनखा को नौं अर वेका बुबा को नौं लिख्युं छो।

दिब्य दरस 14:1 ပူးပေါင်းရင်းမြစ်များ

लूका 12:8

अर यीशु न बोलि मि तुमतै बतै देन्दु कि, “जु मनखि लोगु का समणि मितैं स्वीकार करलु, वेतैं मनखि को पुत्र भि परमेस्वर का स्वर्गदूतों का समणि स्वीकार करलु।

रोमियों 9:33

अर वे खुणि पवित्रशास्‍त्र मा कुछ इन लिख्यूं च कि, “देखा, मि यरूशलेम नगर का सिय्योन ढौंडा मा एक ढुंगो रखणु छौं, जै कि वजै से लोगु तैं उतेडु़ लगलु, पर जु कुई वे पर बिस्वास करलु, वु कभि निरास नि होलु।”

दिब्य दरस 14:14

अर फिर मिन एक सफेद बादळ देखि, जै पर मनखि का पुत्र का जन कुई बैठयूं च, अर वेका मुण्ड़ मा सोनो को मुकुट छौ अर वेका हाथ मा पैनु दथड़ु छौ।

दिब्य दरस 14:3

अर वु राजगद्‍दी का समणि, अर चार ज्यून्द पराणों अर अध्यक्षों का समणि एक नयू गीत गाणा छा। अर एक लाख चवालीस हजार लोग का अलावा कुई भि वे गीत तैं नि सिखी सकदु, अर यू वु लोग छिन जौं तैं यीशु न अपणु बलिदान देके खरीदयाली।

दिब्य दरस 15:5

अर यों सब बातों का बाद मिन स्वर्ग मा परमेस्वर का मन्दिर तैं याने कि पवित्र तम्बू तैं खुलद देखि।

दिब्य दरस 22:4

अर वु परमेस्वर तैं अपणा समणि दिखला अर वेको नौ ऊंका माथा पर लिख्यूं होलु।

दिब्य दरस 3:12

अर जु जीत हासिल करलु, ऊंतैं मि परमेस्वर का मन्दिर मा एक खम्बा बणौलु, अर ऊ उख बटि कभि भैर नि जाला। अर मि ऊं लोगु पर पिता परमेस्वर को नौ अर स्वर्ग बटि उतरि के औण वळा नया नगर यरूशलेम को नौ ऊं पर लिखलु, अर अपणु नयू नौ भि मि ऊं पर लिखलु।

दिब्य दरस 4:1

यों सब बातों का बाद मिन देखि, कि स्वर्ग मा एक द्‍वार खुल्यूं च अर एक बिगुला का जन आवाज, ज्वा कि मिन पैलि सुणी छै वेन मिकू बोलि, “इख मथि अऽ, मि त्वेतै वु बात दिखौलु जु येका बाद होण वळी छिन, अर वु जरुर पूरि ह्‍वेलि।”

दिब्य दरस 6:8

तब मिन एक हलकु पीला रंग को एक घोड़ा निकळद देखि, अर वेमा सवार पराण को नौ छौ, मौत। अर अधलोक वेका पिछनै-पिछनै छौ। अर वेतैं धरती का चार हिस्सों मा बटि एक हिस्सा पर अधिकार दिये गै, कि ऊ तलवार बटि, अकाळ बटि, जान से मरण वळी महामारी बटि, अर जंगळि जानबरों का द्‍वारा लोगु तैं जान से मारी द्‍यो।