दिब्य दरस 13:13 - Garhwali

¹³ अर धरती वळु दैंत बड़ा-बड़ा चमत्कारिक काम कैरिके दिखान्दु, इख तक कि उ लोगु का दिखदी-दिखदी आसमान बटि धरती पर आग की बरखा कैरिके भि दिखान्दु छौ।

गढवली नयो नियम

¹³ यु दुसरो जानवर मा झूठा चमत्कार छा जु स्वर्ग मा देखि सकदु छो, इख तक कि असमान बट्टी आग तैं मूड़ी लौंदु छो कि धरती पर पोडो, जबकि लोग दिखणा छा।

दिब्य दरस 13:13 ပူးပေါင်းရင်းမြစ်များ

मत्ती 16:1

एक दिन फरीसी अर सदूकी दल का लोगु न यीशु का पास ऐके वेकी अजमैस करण का खातिर वेकू बोलि, “हमतै स्वर्ग मा बटि कुई चमत्कारिक चिन्‍न दिखौ।”

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मरकुस 13:22

किलैकि झूठ्‍ठा मसीह अर झूठ्‍ठा रैबर्या ऐ जाला, अर इन ह्‍वे सकदु कि चुण्यां लोगु तैं भरमौण खुणि ऊ बड़ा-बड़ा चिन्‍न अर चमत्कार का काम कैरिके दिखाला।

2 तीमुथियुस 3:8

अर गळत शिक्षा तैं देण वळा यू लोग भि ठिक यन्‍नेस अर यम्ब्रेस का जन छिन, जौन परमेस्वर का सेवक मूसा को विरोध कैरी छौ। किलैकि गळत शिक्षा तैं देण वळा लोग भि सच्‍चै को विरोध करदिन, अर यों को दिमाग खराब ह्‍वे गै, अर इन के ऊंन अपणा बिस्वास को नास कैरियाली।

दिब्य दरस 11:5

अगर कुई ऊंतैं नुकसान पौंछाण चान्दु, त ऊंका गिच्‍चों बटि आग निकळि के ऊंका दुसमनों तैं भसम कैरी देन्दी। अगर कुई ऊंतैं नुकसान पौछाण कि कोसिस करलु, त ऊंतैं भि उन्‍नि मरे जालु।

दिब्य दरस 16:14

अर यू वु खबेस छिन जु कि चमत्कार करदिन, अर यू जैके पूरि दुनियां का राजाओं तैं सर्वसक्‍तिमान परमेस्वर का खिलाप मा युद्ध करणु खुणि जमा करदिन, ताकि परमेस्वर का महान दिन मा यू वेका दगड़ा मा युद्ध कैर सैका।

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।

दिब्य दरस 20:9

फिर ऊ पूरि धरती पर फैली गैनी, अर ऊंन परमेस्वर का प्यारा नगर तैं घेरि दिनी जख परमेस्वर का पवित्र लोग रौन्दिन। तब स्वर्ग बटि परमेस्वर की आग ऐ अर वींन ऊंको नास कैरी दिनी।