दिब्य दरस 13:1 - Garhwali

¹ तब मिन समुन्दर मा बटि एक दैंत तैं निकळद देखि, वेका दस सींग अर सात मुण्ड़ छा। अर वेका दसी सींगों पर दस मुकुट छा, अर वेका मुण्ड़ो पर परमेस्वर की बुरै करण वळा शब्द लिख्यां छा।

गढवली नयो नियम

¹ मिल एक जानवर तैं समुद्र मा बट्टी निकलद देखि, येका सात मुंड छा अर दस सींग छा अर वेका हर एक सींग पर राजमुकुट छा, अर वेका हर एक मुंड पर एक नौं लिख्युं छो जु पिता परमेश्वर की एक बुरै (निंदा) छै।

दिब्य दरस 13:1 ပူးပေါင်းရင်းမြစ်များ

दिब्य दरस 11:7

अर जब वु दुई गवा अपणी गवै देण का काम तैं पूरु कैरी द्‍याला, तब एक दैंत अधलोक बटि भैर निकळ्‍ळु अर ऊं दुई गवाओ का दगड़ा मा युद्ध करलु, अर ऊं पर जीत हासिल कैरिके ऊंतैं जान से मारी द्‍यालु।

दिब्य दरस 12:3

फिर आसमान मा एक और चिन्‍न दिखै, जु कि लाल रंग को एक बड़ु खुंखार रागस छौ, वेका सात मुण्ड़ अर दस सींग छा, अर वेका हरेक मुण्ड़ पर एक-एक मुकुट छौ।

दिब्य दरस 13:11

फिर मिन एक और दैंत तैं धरती बटि निकळद देखि, अर वेका मेम्‍ना का जन दुई सींग छा, अर वेको बुलण खुंखार रागस की तरौं छौ।

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 13:15

अर ये दैंत तैं इन भि अधिकार दिये गै कि उ समुन्दर वळा दैंत की मूरत मा जान डालि सैको, ताकि वा मूरत बोन्‍न लगि जौ। अर जथगा भि लोग वीं मूरत की पूजा नि करला, ऊं सभ्यों तैं जान से मरे जौ।

दिब्य दरस 15:2

तब मितैं काँच का जन एक समुन्दर दिखै, अर वु इन लगणु छौ जन कि वेमा आग मिली हो। अर जौं लोगु न वे दैंत, वेकी मूरत, अर वेका नौ की संख्या पर जीत हासिल कैरी छै, मिन ऊं सब लोगु तैं वे काँच का समुन्दर का मथि खड़ु देखि। अर पिता परमेस्वर न हरेक तैं एक-एक बीणा दिनी।

दिब्य दरस 16:13

फिर मिन खुंखार रागस का गिच्‍चा बटि अर वे दैंत का गिच्‍चा बटि, अर वे झूठ्‍ठा रैबर्या का गिच्‍चा बटि मिढकों का जन तीन अशुद्ध खबेसों तैं निकळद देखि।

दिब्य दरस 17:16

अर जु दस सींग अर दैंत तिन देखि, ऊ वीं वेश्या से नफरत करला, अर ऊ वींतैं नंगि कैरिके अकेला छोड़ि द्‍याला, अर वींका मांस तैं खै द्‍याला, अर वींका बच्यां हिस्सा तैं फूकी द्‍याला।

दिब्य दरस 17:3

अर जब मि पवित्र आत्मा की ताकत से भरपूर ह्‍वे ग्यों तब उ स्वर्गदूत मितैं एक निर्जन जगा मा लि गै, अर उख मेरी नजर एक जनानि पर पोड़ि ज्वा की लाल रंग का एक दैंत पर बैठि छै। अर वे दैंत का सरील पर वु नौ लिख्यां छा ज्यां से कि परमेस्वर की बेजती होन्दी अर वेका सात मुण्ड़ अर दस सींग छा।

दिब्य दरस 17:5

अर वीं वेश्या का माथा पर इन लिख्यूं छौ कि, “राज बड़ु नगर बेबीलोन, वेश्याओं अर धरती की गन्दी चीजों तैं जनम देण वळो की माँ।”

दिब्य दरस 19:19

फिर मिन दैंत अर धरती का राजाओं अर ऊंकी पलटणो तैं देखि, जु कि सफेद घोड़ा पर सवार अर वेकी पलटण का खिलाप मा युद्ध करणु खुणि जमा होयां छा।