दिब्य दरस 12:5 - Garhwali

⁵ अर वीं जनानि न एक नौना तैं जनम देई, जु की सब राज्यों पर लोखरो जांठु लेके बड़ी सख्‍तै से सासन करलु। अर वे नौना तैं तुरन्त परमेस्वर अर वेकी राजगद्‍दी का पास उठये गै।

गढवली नयो नियम

⁵ तब वीं जनन ल एक लड़का तैं जन्म द्ये पर वे तैं अजगर नि खै साक किलैकि वे तैं तुरंत ही छीनि येल छो अर पिता परमेश्वर अर वेका सिंहासन पर लये गै। उ लड़का एक लूहा की सिटगी का दगड़ी सभि जातियों का लुखुं पर राज्य करलो।

दिब्य दरस 12:5 ပူးပေါင်းရင်းမြစ်များ

मत्ती 1:25

अर जबरि तक वींन नौना तैं जनम नि देई, तबरि तक यूसुफ मरियम का दगड़ा मा नि सै। अर जब नौनो को जनम ह्‍वे, त यूसुफ न वेकू नौ यीशु रखी। अर इनकै यीशु को जनम ह्‍वे।

मरकुस 16:19

अर जब प्रभु यीशु ऊंका दगड़ा बात कैरी दिनी वेका बाद उ स्वर्ग मा उठये गै, अर परमेस्वर की दैंणी तरफा आदर-सम्मान वळी जगा मा बैठि गै।

2 कुरिन्थि 12:2

अर मि यीशु मसीह पर बिस्वास करण वळु भक्‍त छौं, अर चौदह साल पैलि मितैं चाँद, तारों से भि मथि पिता परमेस्वर का पास स्वर्ग मा उठये गै। अर वे बगत मितैं सरील समेत उठये गै या बगैर सरील का यां का बारा मा मितैं अच्छे से पता नि च, मगर पिता परमेस्वर ईं बात का बारा मा भौत अच्छे से जणदु।

2 कुरिन्थि 12:4

जब मि स्वर्ग मा उठये ग्यों त उख मिन इन्दरि बातों तैं सुणी जौं को बखान नि किये जै सकदु, अर पिता परमेस्वर न मितैं ऊं बातों तैं बतौण की इजाजत नि दिनी।

दिब्य दरस 11:12

अर ऊंन स्वर्ग बटि एक तेज आवाज सुणी, जिं न ऊं दुईयों कू इन बोलि, “इख मथि ऐ जा।” अर ऊ दुईया का दुई बादळों मा उठये गैनी, अर ऊंका दुसमन ऊंतैं दिखदी रै गैनी।

दिब्य दरस 12:13

अर खुंखार रागस न देखि कि, “अब मितैं धरती पर ढुळै गै” त वेन वीं जनानि तैं सतौण शुरु कैरी दिनी, जिं न वे नौना तैं जनम दे छौ।

दिब्य दरस 12:2

अर वा गरवति छै अर चिल्‍लाणी छै, किलैकि वींतैं परसव पीड़ा उठणी छै।

दिब्य दरस 19:15

अर वेका गिच्‍चा बटि एक पैनी तलवार निकळणी छै, ताकि उ देस-देस का बुरा लोगु को नास वीं तलवार से कैरो। अर वु लोखरो जांठु लेके बड़ी सख्‍तै से सासन करलु, अर सर्वसक्‍तिमान परमेस्वर का परकोप का द्‍वारा वे रसकुण्ड मा ऊंतैं एक रस की तरौं पितेड़ द्‍यालु।