दिब्य दरस 12:4 - Garhwali

⁴ अर वेन अपणी पूंच से आसमान का गैंणो का तीन हिस्सों मदि एक हिस्सा तैं खैंची के धरती पर ढोळि दिनी। तब उ खुंखार रागस वीं जनानि का समणि खड़ु ह्‍वे गै, ज्वा कि बच्‍चा तैं जनम देण वळी छै, ताकि जब बच्‍चा को जनम हो, त उ वेतैं निगळी द्‍यो।

गढवली नयो नियम

⁴ अर वेकी पूंछ ल आसमान का गैणों कु एक तिहाई हिस्सा तैं खैंचि कर धरती पर डाली दींनि, अर अजगर वीं जनन का संमणी खड़ो हवे गै कि वेका बच्चों तैं पैदा करद ही खै जौं।

दिब्य दरस 12:4 ပူးပေါင်းရင်းမြစ်များ

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

दिब्य दरस 12:7

फिर स्वर्ग मा युद्ध ह्‍वे, अर मीकाईल नौ का स्वर्गदूत अर वेका दगड़्यों का दूतों न खुंखार रागस का दगड़ा मा लड़ै कैरी, अर खुंखार रागस अर वेका दूतों न मुकाबला कैरी त छौ,

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 13:2

मिन देखि कि उ एक चीता की तरौं छौ, मगर वेका खुटा भालु की तरौं छा, अर वेको मुख शेर की तरौं छौ। अर खुंखार रागस न ये दैंत तैं अपणी सामर्थ, राजगद्‍दी अर अपणु पूरु अधिकार दे दिनी।

दिब्य दरस 13:4

अर लोगु न खुंखार रागस की पूजा कैरी अर ऊंन दैंत की भि पूजा कैरी, किलैकि रागस न वेतैं अपणु अधिकार दियाली छौ। अर ऊं लोगु न इन बोलि कि, “ये दैंत का जन कु च? अर कु च उ जु येका दगड़ा मा युद्ध कैरी सकदु?”

दिब्य दरस 16:13

फिर मिन खुंखार रागस का गिच्‍चा बटि अर वे दैंत का गिच्‍चा बटि, अर वे झूठ्‍ठा रैबर्या का गिच्‍चा बटि मिढकों का जन तीन अशुद्ध खबेसों तैं निकळद देखि।

दिब्य दरस 17:18

अर जिं जनानि तैं तिन देखि, वांको मतलब वे बड़ा नगर से च जु कि दुष्‍ट च, अर वेको राजा धरती का राजाओं पर सासन करदु।”

दिब्य दरस 20:2

अर वेन खुंखार रागस तैं एक हजार साल तक संगुळों मा बान्धि के रखी। अर यू खुंखार रागस उ च जैकू पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 8:10

अर जब तिसरा स्वर्गदूत न बिगुला बजै, तब एक बड़ु गैंणु जु मसाल की तरौं जगणु छौ, आसमान बटि पोड़ि के कई गाडा अर पाणि का छोयों का तीन हिस्सों मदि एक हिस्सा पर पोड़ि।

दिब्य दरस 8:11

अर ये गैंणो को नौ धतुरो च, अर येकी बजै से पाणि का तीन हिस्सों मदि एक हिस्सा कड़ु ह्‍वे गै, अर पाणि कड़ु होण की वजै से भौत सा लोग मोरि गैनी।

दिब्य दरस 8:12

अर जब चौथा स्वर्गदूत न बिगुला बजै, तब सूरज, चाँद अर गैंणो का तीन हिस्सों मदि एक हिस्सा को नास ह्‍वे गै अर ऊंन उज्याळु देण बन्द कैर दिनी। अर इनकै सूरज न दिन मा चार घन्टा उज्याळु देण बन्द कैरी, अर ठिक उन्‍नि रात मा चाँद अर तारों न भि चार घन्टा उज्याळु देण बन्द कैर दिनी।

दिब्य दरस 8:7

अर जब पैला स्वर्गदूत न बिगुला बजै, तब ल्वे मिल्यूं ढांडो अर आग पैदा ह्‍वे, जु की धरती पर ढुळै गै। अर इन होण से जमीन का तीन हिस्सों मदि एक हिस्सा फुकै गै, अर इन्‍नि डाळों को एक हिस्सा फुकै गै, अर पूरि हरीं घास भि फुकै गै।

दिब्य दरस 8:8

अर जब दुसरा स्वर्गदूत न बिगुला बजै, तब समुन्दर मा कुई चीज ढुळै गै जन की एक बड़ु पाड़ जै पर आग लगीं छै। अर इन होण से समुन्दर का तीन हिस्सों मदि एक हिस्सा ल्वे बणि गै।

दिब्य दरस 8:9

अर पाणि का जीव-जन्तुओं मा बटि तीन हिस्सों मदि एक हिस्सा को नास ह्‍वे गै, अर ठिक इन्‍नि समुन्दर का जाजों का तीन हिस्सों मदि एक हिस्सा को नास ह्‍वे गै।

दिब्य दरस 9:10

अर ऊंकी पूंच बिच्छीयों की तरौं डसण वळी छै, अर ऊंकी पूंच मा लोगु तैं पांच मैना तक पीड़ा देण की ताकत छै।

दिब्य दरस 9:19

किलैकि घोड़ो की ताकत ऊंका गिच्‍चों अर पूंच मा छै, अर ऊंका पूंच गुरौ की तरौं छा जौं पर की मुण्ड़ छा, अर वां से वु नुकसान पौंछन्दिन।