दिब्य दरस 11:2 - Garhwali

² पर मन्दिर का भैर वळा बरण्डा तैं छोड़ि दे वेतैं नि नाप, किलैकि उ ऊंतैं दिये गै जु यहूदी जाति का नि छिन, अर यू लोग सढ़े तीन साल तक पवित्र नगर का लोगु पर जुलम करला।

गढवली नयो नियम

² पर स्वर्गीय मन्दिर का भैर का चौक तैं नि नाप; किलैकि उ, ऊं लुखुं तैं दिये गै जु पिता परमेश्वर तैं नि जणदींनि, अर उ बयालीस मैना तक मेरा पवित्र शहर पर राज्य करला।

दिब्य दरस 11:2 ပူးပေါင်းရင်းမြစ်များ

मत्ती 27:53

अर यीशु का मौत मा बटि ज्यून्द होण का बाद, यू लोग भि कबर बटि भैर निकळि गैनी, अर पवित्र नगर यरूशलेम मा जैके भौत सा लोगु तैं दिखैनि।

मत्ती 4:5

तब शैतान वेतैं पवित्र नगर यरूशलेम मा लि गै, अर वेतैं मन्दिर की सबसे ऊँची जगा पर खड़ु कैरिके बोलि,

मत्ती 5:13

तब यीशु न भीड़ का लोगु कू इन बोलि कि, “तुम ईं दुनियां मा लूण का जन छाँ। अर अगर जु लूण को स्वाद बिगाड़ि जौ, त फिर वेतैं कनकै नमकीन किये जै सकदु? फिर उ कै काम को नि रौन्दु। तब लोग वेतैं भैर ढोळि देन्दिन, अर उ मनखियों का खुटों तौळ पितड़े जान्दु।

लूका 21:24

अर वु लोग तलवार से मरे जाला, अर कैदी बणै के सब देसों मा भेजि जाला। अर जबरि तक ऊंको बगत पूरि नि ह्‍वे जौ जु कि यहूदी जाति का नि छिन, तबरि तक यरूशलेम नगर इन्द्रया लोगु का द्‍वारा बुरी तरौं से सतयै जाला।

इब्रानी 10:29

त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।

दिब्य दरस 11:11

मगर सढ़े तीन दिन का बाद परमेस्वर न ऊंका सरील मा जीवन की सांस फूकी दिनी, अर ऊ अपणा खुटों पर खड़ा ह्‍वे गैनी। तब जु लोग ऊंतैं दिखण छा ऊं सभ्यों पर बड़ु खौफ ऐ गै।

दिब्य दरस 11:3

अर मि अपणा दुई गवा तैं इन ताकत द्‍यूलु, कि ऊ टाट पैरि के सढ़े तीन साल तक भविष्यबाणी करला।”

दिब्य दरस 12:6

अर वा जनानि निर्जन जगा कू भागी गै जख परमेस्वर न वीं खुणि एक जगा तयार कैरिके रखी छै, ताकि उख वींको पालन-पोसण सढ़े तीन साल तक हो।

दिब्य दरस 21:10

तब पवित्र आत्मा मितैं अपणा ताकत से एक भौत ऊँचा अर बड़ा ढौंडा मा लि गै, अर वेन मितैं पवित्र नगर यरूशलेम दिखै, जु कि स्वर्ग बटि परमेस्वर का पास से मूड़ी उतरणु छौ।

दिब्य दरस 21:2

फिर मिन पवित्र नगर, नया यरूशलेम तैं, परमेस्वर की तरफा बटि स्वर्ग बटि मूड़ी उतरद देखि। अर उ इन सज्युं छौ जन कि ब्यौलि अपणा ब्यौला खुणि सजीं रौन्दी।

दिब्य दरस 22:19

अर ठिक इन्‍नि अगर कुई भविष्यबाणियों की ईं किताब मा बटि कुछ हटालु, त परमेस्वर वेतैं सदनि को जीवन देण वळा डाळा मा बटि नि खाण द्‍यालु, अर ना ही अपणा पवित्र नगर मा दाखिल होण द्‍यालु।