दिब्य दरस 11:15 - Garhwali

¹⁵ अर जब सातवां स्वर्गदूत न बिगुला बजै, त स्वर्ग बटि तेज आवाज ऐ अर वींन इन बोलि कि, “दुनियां पर राज करण को अधिकार अब हमरा परमेस्वर अर वेका मसीह को ह्‍वे गै। अर उ हमेसा-हमेसा तक राज करला।”

गढवली नयो नियम

¹⁵ जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”

दिब्य दरस 11:15 ပူးပေါင်းရင်းမြစ်များ

मत्ती 24:31

अर बिगुले की बड़ी आवाज का दगड़ा मा मनखि को पुत्र अपणा स्वर्गदूतों तैं भेजलु, अर स्वर्गदूत वेका चुण्यां लोगु तैं पूरि दुनियां का हरेक दिसा से इकट्‍ठा करला।”

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

लूका 1:33

अर उ इस्राएली लोगु पर सदनि तक राज करलु। अर वेका राज को कभि अन्त नि होलु।”

लूका 15:10

अर मि तुमतै बतै देन्दु, कि ठिक इन्‍नि आनन्द परमेस्वर का स्वर्गदूतों का समणि तब मणये जान्दु, जब एक पापि मनखि अपणा पापों बटि पस्ताप करदु।”

लूका 15:6

अर घौर मा पौंछी के उ अपणा दगड़्यों अर पड़ोसीयों तैं इकट्‍ठा कैरिके बुल्दु कि, ‘मेरा दगड़ा मा आनन्द मणा, किलैकि मितैं मेरी हरचि भेड़ मिली गै।’

खास चेलों 4:26

प्रभु अर वेका द्‍वारा चुण्यां मसीह का खिलाप मा धरती का राजा खड़ा होला, अर अधिकारी लोग इकट्‍ठा ह्‍वेके वेका खिलाप मा बुलला।’

इब्रानी 1:8

मगर अपणा पुत्र का बारा मा उ इन बुल्दु, “हे परमेस्वर तुमरि राजगद्‍दी सदनि तक बणि रौ, अर तुमरा राज मा न्याय सच्‍चै का सासन से किये जौ।

दिब्य दरस 10:7

पर जब सातु स्वर्गदूत को बिगुलो बजौण को बगत आलु, त वे बगत परमेस्वर अपणी छिपी योजना तैं पूरि करलु, जैकी घोसणा वेन अपणा सेवकों याने कि अपणा रैबर्यों का द्‍वारा कैरी छै।”

दिब्य दरस 12:10

तब मिन स्वर्ग मा एक ऊँची आवाज तैं इन ऐलान करद सुणी, “सुणा, अब हमरा परमेस्वर की तरफा बटि मिलण वळु छुटकारा, अधिकार अर राज की स्थापना ह्‍वे गै, अर वेका मसीह को राज कन को अधिकार परगट ह्‍वे गै, किलैकि हमरा बिस्वासी भै-बैंणो पर दोष लगौण वळा तैं मूड़ी ढुळै गै, अर यू वु छौ जैन पिता परमेस्वर का समणि रै के ऊं पर दिन-रात दोष लगौण को काम कैरी।

दिब्य दरस 16:17

तब सातवां स्वर्गदूत न अपणु कटोरा हवा मा अखणै दिनी, अर मन्दिर की राजगद्‍दी बटि एक ऊँची आवाज ऐ, “पूरु ह्‍वे गै।”

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

दिब्य दरस 19:1

येका बाद मिन स्वर्ग मा एक बड़ी भीड़ की सि आवाज सुणी, अर लोग ऊँची आवाज मा इन बोन्‍ना छा कि, “हाल्‍लेलूय्याह, आदर-सम्मान, ताकत अर बचौण वळु हमरु परमेस्वर ही च,

दिब्य दरस 19:6

फिर मिन बड़ी भीड़ की आवाज सुणी, ज्वा की तेज लैरों का जन अर बादळों की गगड़ाट की तरौं छै अर ऊंन बोलि, “हाल्‍लेलूय्याह, हमरु प्रभु परमेस्वर न जु की सर्वसक्‍तिमान च वेन राज करण शुरु कैरियाली।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 8:12

अर जब चौथा स्वर्गदूत न बिगुला बजै, तब सूरज, चाँद अर गैंणो का तीन हिस्सों मदि एक हिस्सा को नास ह्‍वे गै अर ऊंन उज्याळु देण बन्द कैर दिनी। अर इनकै सूरज न दिन मा चार घन्टा उज्याळु देण बन्द कैरी, अर ठिक उन्‍नि रात मा चाँद अर तारों न भि चार घन्टा उज्याळु देण बन्द कैर दिनी।

दिब्य दरस 9:1

अर जब पांचु स्वर्गदूत न बिगुला बजै, त मिन एक गैंणो देखि जु की स्वर्ग बटि धरती पर पोड़ि, अर वेतैं अधलोक की चाबी दिये गै।

दिब्य दरस 9:13

अर जब छटुं स्वर्गदूत न बिगुला बजै। तब मिन सोने की वेदी तैं ज्वा की परमेस्वर का समणि च, वेका चरी कुणों बटि एक आवाज ऐ।