दिब्य दरस 1:18 - Garhwali

¹⁸ अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

गढवली नयो नियम

¹⁸ मि एक बार मोरि ग्यों। पर अब मि ज्यूँदो छो अर मि हमेशा ज्यूँदो रौलु; अर मि मा अधोलोक की चाबी च जु मि तैं वीं जगह तैं खुलणै की शक्ति दींद जख मुरयां लोग छिनी अर ऊं तैं दुबरा ज्यूँदो कने की शक्ति दींद।

दिब्य दरस 1:18 ပူးပေါင်းရင်းမြစ်များ

मत्ती 11:23

हे कफरनहूम नगर का लोगु, तुम क्या सोचद्‍यां कि तुमतै स्वर्ग तक ऊँचो किये जालु, ‘नऽ रे ना’ तुमतै त अधलोक मा डळै जालु, किलैकि सामर्थ का जु काम तुम लोगु का बीच मा किये गैनी, अगर वु सदोम नगर मा किये जान्दा, त वु नगर आज तक बणयूं रौन्दु।

मत्ती 16:19

अर मि स्वर्ग राज की चाबी त्वेतै द्‍यूलु अर जु कुछ तू ईं धरती पर बन्द करली, उ स्वर्ग मा बन्द किये जालु, अर जु कुछ तू धरती पर खुलिली, उ स्वर्ग मा खुलै जालु।”

लूका 24:5

अर ऊंतैं देखि के जनानियों न अपणु मुख मूड़ी झुकै दिनी, किलैकि वु डौऽरी गै छा। तब ऊं दुई मनखियों न ऊंकू बोलि, “तुम लोग ज्यून्दा मनखि तैं मुरयां लोगु मा किलै खुज्याणा छाँ?

यूहन्ना 11:25

तब यीशु न वींकू बोलि, “मुरदो मा बटि ज्यून्दु कन वळु, अर मनखियों तैं जीवन देण वळु मि ही छौं। अर जु कुई मि पर बिस्वास करदु, अगर उ मोरि भि जालु, फिर भि ज्यून्दु होलु।

यूहन्ना 14:19

अब कुछ देर बाद दुनियां का लोग मितैं नि दिखला पर तुम मितैं दिखल्या, किलैकि मि ज्यून्दु छौं अर तुम भि ज्यून्दा रैल्या।

रोमियों 6:9

किलैकि हम यू जणदा छां, कि यीशु मसीह मौत मा बटि ज्यून्द ह्‍वे, अर अब वेन कभि नि मुरण किलैकि मौत को अब वे पर कुई भि अधिकार नि च।

2 कुरिन्थि 13:4

अर या बात सच्‍च च कि जब यीशु मसीह तैं क्रूस पर चड़ये गै, त उ कमजोर लगणु छौ। मगर या बात भि सच्‍च च कि पिता परमेस्वर न वेतैं अपणी महान ताकत से मुरदो मा बटि ज्यून्द कैरी, अर अब वु सदनि खुणि ज्यून्द च। अर ठिक उन्‍नि हम भि कमजोर मनखि छां, मगर हमरु रिश्ता यीशु मसीह का दगड़ा मा भौत गैरु च, इलै तुमतै अनुसासन मा लौणु खुणि मि पिता परमेस्वर की ताकत को इस्तेमाल करलु।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 7:16

अर वेतैं वेका पितरों की वजै से नि ठैरैये गै, मगर इलै ठैरैये गै किलैकि उ पिता परमेस्वर की ताकत की वजै से सदनि तक ज्यून्द रौण वळु च।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

दिब्य दरस 15:7

तब चार ज्यून्दा पराणों मदि एक न यों सात स्वर्गदूतों तैं सोना का सात कटोरा दिनी, जौं मा हमेसा-हमेसा तक ज्यून्द रौण वळा परमेस्वर को परकोप भोर्यां छौ।

दिब्य दरस 2:8

अर येका बाद यीशु न मिकू इन बोलि कि, “स्मुरना नगर मा रौण वळा बिस्वासी समुदाय का दूत खुणि इन लिख कि: “यीशु जु कि पैलु अर आखिरी च, जु मोरि गै छौ मगर अब ज्यून्दु च उ इन बुल्दु कि:

दिब्य दरस 20:13

अर समुन्दर न अपणा मुरदो तैं खड़ु कैरी दिनी, अर जु अधलोक मा छा अर जु कबरुन्द रखै गैनी, ऊंन भि अपणा मुरदो तैं खड़ु कैरी दिनी, अर हरेक मनखि को न्याय ऊंका कामों का मुताबिक किये गै।

दिब्य दरस 20:14

अर येका बाद मौत अर अधलोक तैं भि आग का कुण्ड मा डळै गै अर या ही दुसरि मौत च।

दिब्य दरस 3:7

अर येका बाद यीशु न मिकू इन भि बोलि कि, “फिलदिलफिया नगर मा रौण वळा बिस्वासी समुदाय का दूत खुणि इन लिख कि: “यीशु पवित्र अर सच्‍चु च, अर वेका पास राजा दाऊद की चाबी च जैतैं वु खुलदु वेतैं कुई बन्द नि कैरी सकदु, अर जब उ बन्द करदु त वेतैं कुई खोली नि सकदु, उ इन बुल्दु कि:

दिब्य दरस 4:9

अर जब-जब यू पराणी वेतैं जु की राजगद्‍दी पर बैठयूं च, वु जु कि हमेसा-हमेसा खुणि ज्यून्दु च, जब यू वेको धन्यवाद, आदर-सम्मान अर बडै करदिन,

दिब्य दरस 5:14

तब ऊं चार ज्यून्दा पराणों न इन बोलि, “आमीन” अर ऊ अध्यक्षों न भ्वीं मा पोड़ि के ऊं दुईयों की भक्‍ति कैरी।

दिब्य दरस 6:8

तब मिन एक हलकु पीला रंग को एक घोड़ा निकळद देखि, अर वेमा सवार पराण को नौ छौ, मौत। अर अधलोक वेका पिछनै-पिछनै छौ। अर वेतैं धरती का चार हिस्सों मा बटि एक हिस्सा पर अधिकार दिये गै, कि ऊ तलवार बटि, अकाळ बटि, जान से मरण वळी महामारी बटि, अर जंगळि जानबरों का द्‍वारा लोगु तैं जान से मारी द्‍यो।

दिब्य दरस 9:1

अर जब पांचु स्वर्गदूत न बिगुला बजै, त मिन एक गैंणो देखि जु की स्वर्ग बटि धरती पर पोड़ि, अर वेतैं अधलोक की चाबी दिये गै।