फिलिप्पी 4:6 - Garhwali

⁶ अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।

गढवली नयो नियम

⁶ कैं भि बात कि चिंता नि कैरा; पर हर एक स्थिति मा प्रार्थना अर बिनती ल धन्यवाद का दगड़ा मा पिता परमेश्वर का संमणी रखे जौनु।

फिलिप्पी 4:6 ပူးပေါင်းရင်းမြစ်များ

मत्ती 10:19

अर जब ऊ तुमतै पकड़वाला, त तुम इन चिन्ता नि कर्यां कि क्या बुलण अर कनकै बुलण, किलैकि जु कुछ भि तुमतै बोन्‍न होलु वु उबरि तुमतै बतये जालु।

मत्ती 13:22

अर झिबलांणो मा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणदा त छिन, मगर ईं दुनियां मा जीवन की चिन्ता-फिकर, अर धन-दौलत को लालच वे वचन तैं दबै देन्दिन, इलै वे पर फल नि लगदिन।

मत्ती 6:34

इलै भोळ की चिन्ता भोळ खुणि ही छोड़ि द्‍या, किलैकि भोळ को दिन अपणी चिन्ता अफि कैरी ल्यालु, आज की जरुरतों खुणि तुमरि चिन्ता करण काफी च।”

मत्ती 6:8

इलै तुम ऊंका जन नि बणा, किलैकि तुमरो पिता परमेस्वर तुमरो मंगण से पैलि ही जणदु च कि तुमतै कैं चीज की जरुरत च।

लूका 10:41

तब प्रभु न वींतैं जबाब देई, “हे मारथा, तू भौत सरी बातों की चिन्ता-फिकर करदी अर घबरान्दी छैई।

लूका 12:22

तब यीशु न अपणा चेलों कू बोलि, “इलै मि तुम खुणि बोन्‍नु छौं कि अपणा जीवन की चिन्ता-फिकर नि कैरा कि हम क्या जि खौला, अर ठिक उन्‍नि अपणा सरील की चिन्ता नि कैरा कि क्या जि पैरुला।

लूका 12:29

इलै तुम यों बातों की खोज मा नि रा अर ना ही चिन्ता कैरा, कि क्या जि खौला अर क्या जि प्यूला।

लूका 18:1

अर यीशु न अपणा चेलों तैं हमेसा प्रार्थना करण का बारा मा अर हिम्मत नि छुड़ण का बारा मा बतौणु खुणि ऊंतैं एक उदारण सुणै। वेन ऊंकू बोलि कि,

लूका 18:7

अर जब एक अधरमी न्याय करणु वळु इन कैरी सकदु, त क्या परमेस्वर अपणा चुण्यां लोगु को न्याय नि करलु? जु दिन-रात वेसे प्रार्थना करणा रौनदिन, क्या उ अपणा लोगु का खातिर देर करलु?

1 कुरिन्थि 7:21

क्या त्वेतै गुलाम की दसा मा बुलये गै? त याद रख कि या बात त्वेतै परेसान नि कैरो, पर अगर जु त्वेतै आजाद होण को मौका मिलणु च त ह्‍वे जा।

1 कुरिन्थि 7:32

अर मि चान्दु कि इन्दरि कुई भि बात नि च ज्वा कि तुमतै पिता परमेस्वर का काम करण से रोको। अर एक अणविवाक मनखि कि सोच इन होन्दी कि वेको सब काम प्रभु यीशु खुणि हो, ताकि वेका द्‍वारा प्रभु खुश ह्‍वे जौ।

2 कुरिन्थि 1:11

अर हम तुम पर भि भरोसा करद्‍यां, किलैकि तुम लोग हम खुणि प्रार्थना करद्‍यां, किलैकि पिता परमेस्वर प्रार्थनाओं को जबाब देन्दु अर हमतै संकट से बचौन्दु। तब भौत सा लोग हमरा खातिर परमेस्वर को धन्यवाद द्‍याला।

इफिसुस 5:20

अर हरेक बात खुणि हमरा प्रभु यीशु मसीह का नौ से पिता परमेस्वर को हमेसा धन्यवाद कना रा।

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

कुलुसी 4:2

हे मेरा भै-बैंणो, चौकस रा, अर प्रार्थना करण मा लग्यां रा, अर हरेक बात मा प्रभु को धन्यवाद द्‍या।

1 तीमुथियुस 2:1

अर अब सबसे पैलि मि तुमतै इन उपदेस देन्दु, कि तुम हरेक मनखि खुणि प्रार्थना कैरा। अर मि तुम बटि बिन्ती करदु, कि तुम राजाओं खुणि अर सबसे बड़ा पद वळो खुणि भि प्रार्थना निवेदन कैरा, अर धन्यवाद की प्रार्थना कैरा। ताकि परमेस्वर को आदर हो अर हम अच्छु अर शान्ति को जीवन जी सैका। किलैकि यू सब हमतै बचौण वळा परमेस्वर की नजर मा भलु च, अर यों बातों से उ खुश होन्दु।

1 तीमुथियुस 5:5

अगर कुई विधवा जनानि इखुली च, अर वीं की देख-रेख करण वळु कुई नि हो, अर वा परमेस्वर पर बिस्वास कैरिके दिन-रात प्रार्थना बिन्ती करणी रौन्दी हो, त इन्दरि जनानि ही सच्‍च मा विधवा च, अर वींतैं ही मदद मिलण चयेणी।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

1 पतरस 5:7

अर अपणी सब चिन्ता-फिकर वे पर छोड़ि द्‍या, किलैकि वेतैं तुमरि चिन्ता च।