फिलिप्पी 4:18 - Garhwali

¹⁸ अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

गढवली नयो नियम

¹⁸ मि मा सब कुछ च, बल्कि बिज्यां च; जु दान तुम ल इपफ्रुदीतुस का हथ का द्वारा भेजि छो वे तैं पै के मि तृप्त हवे ग्यों, तुम ल पिता परमेश्वर तैं एक बलिदान चढ़ै जु मिठी सुगंध दींद उ यु तैं स्वीकार करदो, अर या वे तैं भौत खुश करदी।

फिलिप्पी 4:18 ပူးပေါင်းရင်းမြစ်များ

खास चेलों 10:4

अर वेन स्वर्गदूत की तरफा ध्यान से देखि अर डौऽरी गै अर बोलि, “यू क्या च श्रीमान,” स्वर्गदूत न वेकू बोलि, “परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

रोमियों 12:1

इलै हे मेरा प्यारा भै-बैंणो, जब बटि पिता परमेस्वर न अपणी बड़ी दया तुम पर कैरी, अर मि तुम से बिन्ती करदु, कि तुम सभ्या का सभि भलै का कामों खुणि अपणा-अपणा जीवनों तैं एक बलिदान का रुप मा वे खुणि चड़ै द्‍या, अर वेकी महान सेवा खुणि खुद तैं दे द्‍या। अर या ही बात तुम खुणि सच्‍चि पूजा का जन च ज्वा की तुमतै करण चयेणी।

2 कुरिन्थि 11:8

अर मिन बिस्वासी समुदाय का दुसरा लोगु से दान मांगि, ताकि तुमरा बीच मा काम कैरी सैकु त क्या मिन कुछ गळत कैरी? मगर कुछ लोग इन बुल्दिन कि मिन तुमरा खातिर दुसरा लोगु तैं लूटी।

2 कुरिन्थि 9:12

हे मेरा भै-बैंणो, तुम ईं बात तैं याद रखा कि जौं बिस्वासी लोगु की मदद खुणि यू दान जमा किये जाणु च, वेका बदला मा वु लोग तुम खुणि अर तुमरा ये काम खुणि पिता परमेस्वर को धन्यवाद करला।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

फिलिप्पी 4:12

मि गरीबी की हालत मा गुजर-बसर करण, अर भरपूरी मा भि जीवन जीण जणदु छौं। अर मिन हरेक बात अर हरेक दसा मा रौण भि सिख्यालि, अर जब पुटगी भुरीं रौन्दी या जब भूक लगि रौन्दी तब कन लगदु यू भि मि जाणि ग्यों। अर जब सब कुछ होन्दु या कुछ नि रौन्दु, त यां का बारा मा भि मि भौत अच्छे से जणदु छौं।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।