फिलिप्पी 3:5 - Garhwali

⁵ हे मेरा दगड़्यों, मि इस्राएल देस को छौं। अर मेरु जनम इस्राएल का बिन्यामीन गोत्र मा ह्‍वे, अर मेरा जनम का ठिक आठवां दिन पर मेरु खतना ह्‍वे। इब्रानी भाषा बोन्‍न वळा लोगु खुणि मि इब्रानी छौं, अर नियम-कानूनों का हिसाब से दिखै जौ त मि एक फरीसी मनखि छौं।

गढवली नयो नियम

⁵ किलैकि जब मि आठ दिन कु छो तब मेरू खतना हवे जन पिता परमेश्वर की आज्ञा दीं च, अर मि इस्राएली जाति कु छौं अर बिन्यामीन का गोत्र कु छौं; अर मेरा ब्वे-बुबा इब्रानी छा, इलै मि भि एक इब्रानी छों; अर जु मूसा द्वारा लिखीं परमेश्वर की व्यवस्था का बारा मा पालन कन वलो बोला त मि एक फरीसी छों।

फिलिप्पी 3:5 ပူးပေါင်းရင်းမြစ်များ

लूका 1:59

अर इन ह्‍वे कि, बच्‍चा पैदा होण का आठवां दिन मा लोग वे नौना का घौर मा ऐनी, ताकि खतना का रिवाज तैं पूरु कैरा। अर वेकू नौ वेका बुबा का नौ पर जकरयाह रखण वळा छा।

लूका 2:21

अर बच्‍चा पैदा होण का आठवां दिन मा, जब खतना का रिवाज तैं पूरु करण को दिन ऐ, त वेकू नौ यीशु रखै गै। अर यू उई नौ छौ, जु स्वर्गदूत न मरियम का गरवति होण से पैलि वे बच्‍चा तैं देई छौ।

लूका 5:38

इलै नयू अंगूरों को रस नया चमड़ा का थैलों मा भोरण चयेणु।

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

खास चेलों 23:6

अर पौलुस तैं ईं बात को पता चलि गै कि इख यहूदी लोगु को न्याय करण वळा लोगु का दुई दल जमा होयां छिन फरीसी अर सदूकी। तब वेन ऊँची मा बोलि, “हे मेरा भैयों, मि फरीसियों का वंश मदि छौं। अर मि मुरदो मा बटि ज्यून्द होण की आस रखदु, अर ईं बात का बानो मि पर मुकदमा चलणु च।”

खास चेलों 6:1

ऊं दिनों मा जब बिस्वासी लोगु की संख्या भौत बढणी छै, त यूनानी भाषा बुलण वळा बिस्वासी लोग, इब्रानी भाषा बुलण वळा बिस्वासी लोगु की सिकैत करण लगि गैनी, कि हर रोज मिलण वळा खाण-पीण का समान मा हमरि विधवा जनानियों का दगड़ा मा भेदभाव किये जाणु च।

रोमियों 11:1

अब मि तुम बटि पूछदु, कि क्या परमेस्वर न अपणा इस्राएली लोगु तैं छोड़याली? ना इन कभि नि ह्‍वे सकदु। अरे, मि खुद एक इस्राएली मनखि छौं, अर मि अब्राहम का वंश मदि छौं अर मेरु गोत्र को नौ बिन्यामीन च।

2 कुरिन्थि 11:22

क्या वु लोग ही इब्रानी छिन? अरे उ त मि भि छौं। अर क्या वु लोग इस्राएली छिन? नऽ रे ना मि भि एक इस्राएली छौं। अर क्या वु ही लोग पितर अब्राहम का वंश मदि छिन? अरे मि भि त पितर अब्राहम का वंश मदि छौं।