फिलिप्पी 2:25 - Garhwali

²⁵ पर फिर भि मितैं यू जरुरी लगदु कि मि तुमरा पास इपफ्रुदीतुस भै तैं वापस भेजूँ, अर उ मसीह मा मेरु एक भै का जन अर सेवा का काम मा मेरा दगड़ा मा एक सिपै का जन काम करण वळु च। अर तुम लोगु न मेरी जरुरतों तैं पूरु करणु खुणि अपणा खास आदिम का रुप मा वेतैं मेरा पास भेजि छौ, ताकि उ मेरी मदद कैरी सैको।

गढवली नयो नियम

²⁵ मिल इपफ्रुदीतुस तैं तुम मा भिजण जरूरी समझी। उ मेरू भैय, अर ऊं शुभ संदेश कु विरोध कन वला लुखुं का विरुद्ध मा मि दगड़ी एक योद्धा का जन खड़ो छो जु तुम्हरो संदेश मि तैं पौछांण वलो एक प्रेरित च, अर जरूरी बातों मा मेरी सेवा कन वलो च

फिलिप्पी 2:25 ပူးပေါင်းရင်းမြစ်များ

यूहन्ना 13:16

अर मि तुम बटि सच्‍चि बोन्‍नु छौं, कि नौकर अपणा मालिक से बड़ु नि होन्दु, अर जैतैं भेज्यूं च उ अपणा भेजण वळा से बड़ु नि होन्दु।

यूहन्ना 17:18

अर जन तुमुन मितैं ईं दुनियां मा भेजि, ठिक उन्‍नि मिन भि ऊंतैं ईं दुनियां मा भेजदु छौं।

रोमियों 16:3

प्रिस्का बैंण अर वींका पति अक्‍किला तैं मेरु सलाम, यू लोग यीशु मसीह की सेवा करण मा मेरा दगड़्या छिन।

रोमियों 16:9

अर उरबानुस भै तैं भि मेरु सलाम, जु कि यीशु मसीह की सेवा मा मेरी मदद करण वळु च। अर मेरा प्यारा भै इस्तखुस तैं भि मेरु सलाम।

1 कुरिन्थि 3:9

अर हम पिता परमेस्वर की सेवा करण वळा छां। अर हम तुम लोगु की भलै खुणि ही काम कना छां, किलैकि तुम लोग पिता परमेस्वर को पुंगड़ु छाँ जैमा मेनत किये जाणि च, अर अब वेमा घौर बणण की तयार होणी च।

2 कुरिन्थि 2:13

पर जब मिन अपणा दगड़्या तीतुस तैं उख नि पै, त मेरु मन बड़ु बेचेन ह्‍वे गै। तब मिन उखा बिस्वासी भै-बैंणो बटि विदै लिनी, अर मकिदुनिया मुलक कू चलि ग्यों।

फिलिप्पी 2:26

अर तुमुन इपफ्रुदीतुस भै का बारा मा सुणी कि वु भौत बिमारि च। हाँ, या बात सच्‍चि च कि उ भौत बिमार ह्‍वे गै छौ, इख तक कि उ मुरण वळु छौ, मगर पिता परमेस्वर न वे पर दया कैरी, बस वे पर ही ना बल्किन मा मि पर भि ताकि मितैं और भि जादा दुख नि झिलण पोड़ो। अर अब इपफ्रुदीतुस भै तुम से मिलणु खुणि भौत बेचेन च अर तरसणु च।

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

कुलुसी 4:11

अर भै ईसु जैकू यूसतुस बुले जान्दु, तुमकु सलाम बोन्‍नु च। दगड़्यों, हमरा ये भै न खतना का रिवाज तैं पूरु कर्युं च अर यू ही च जु कि परमेस्वर का राज तैं फैलाण मा मेरु दगड़्या च अर यू बगत-बगत पर मेरी हिम्मत तैं भि बढौन्दु।

फिलेमोन 1:24

अर मेरा दगड़ा मा सेवा को काम करण वळा मरकुस भै अर वेका दगड़ा-दगड़ि अरिस्तर्खुस, देमास अर लूका भै भि त्वे खुणि सलाम बोन्‍ना छिन।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।