फिलिप्पी 1:15 - Garhwali

¹⁵ अर कुछ लोग त जलन अर विरोध करण की वजै से यीशु मसीह को परचार कना छिन, मगर कुछ लोग इन छिन जु कि अच्छी मनसा रखी के परचार कना छिन।

गढवली नयो नियम

¹⁵ कुछ लोग त जलन रखि के अर कुछ झगड़ा कन वला लुखुं का बानौं, मसीह का बारा मा शुभ संदेश कु प्रचार अर कुछ त भली मनसा से यु काम तैं करदींनि।

फिलिप्पी 1:15 ပူးပေါင်းရင်းမြစ်များ

मत्ती 23:5

अर वु पवित्रशास्‍त्र का वचनों तैं चमड़े की चौड़ी पट्‍टियों पर लिखी के अपणा सरील पर बन्धदिन, अर अपणा चोळों का झालरों तैं बड़ु लम्बो करदिन, अर अपणु हरेक काम वु मनखियों तैं दिखाणु खुणि करदिन।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 5:42

अर खास चेला हरेक दिन मन्दिर अर घौर-घौर जैके लोगु तैं सिखौन्दा छा, अर ईं बात को शुभ समाचार देन्दा छा कि यीशु ही मसीह च।

खास चेलों 8:35

तब फिलिप्पुस न बतौण शुरु कैरी, अर पवित्रशास्‍त्र का ये वचन बटि शुरु कैरिके यीशु का शुभ समाचार तक वेतैं सुणै दिनी।

खास चेलों 8:5

अर बिस्वासी लोगु मा बटि फिलिप्पुस सामरिया मुलक का एक नगर मा चलि गै, अर लोगु का बीच मा मसीह को परचार करण लगि गै।

खास चेलों 9:20

अर यों सब बातों का बाद शाऊल तुरन्त दमिश्क नगर का प्रार्थना भवनों मा यीशु को परचार करण लगि गै। अर वेन बोलि कि, “यीशु मसीह ही परमेस्वर को पुत्र च।”

रोमियों 2:8

मगर जु लोग झगड़ा करण वळा छिन अर सच्‍चै तैं नि मणदिन, बल्किन मा पिता परमेस्वर का खिलाप मा ह्‍वेके काम करदिन, ऊं सब लोगु तैं देखि के पिता परमेस्वर तैं गुस्सा आलु, अर वेको परकोप ऊं पर पोड़लु।

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

1 कुरिन्थि 13:3

अर अगर मि अपणी पूरि धन-दौलत गरीब लोगु मा बांटि द्‍यूं, अर अपणा सरील तैं आग मा भि बलिदान होण खुणि दे द्‍यूं, मगर दुसरा लोगु तैं मि प्यार नि कैरुं त यों सब बातों को कुई भि फैदा नि च।

2 कुरिन्थि 1:19

किलैकि पिता परमेस्वर को पुत्र यीशु मसीह जैको परचार सिलवानुस, तीमुथियुस अर मिन तुमरा बीच मा कैरी, वेमा पैलि “हाँ” अर फिर “ना” नि ह्‍वे, बल्किन मा वेमा “हाँ” को मतलब हमेसा “हाँ” ही ह्‍वे।

2 कुरिन्थि 11:13

इन्द्रया लोग यीशु को खास चेला होण को ढोंग करदिन अर झूठ्‍ठा छिन, इन्द्रया लोग बुल्दिन कि हम पिता परमेस्वर खुणि काम कना छां, मगर धोखा देण वळा छिन।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

गलातियों 2:4

मगर कुछ झूठ्‍ठा लोग जु कि लुकि-छिपी के सभा का बीच मा अयां छा, ऊंकी वजै से दिक्‍कत खड़ि ह्‍वे गै। अर वु ऊं जासूसों की तरौं छा, जु कि हमरि आजादी अर वे सम्बन्ध का बारा मा भौत अच्छे से जणदा छा, वु जणदा छा कि हम यीशु मसीह का द्‍वारा परमेस्वर का दगड़ा मा सम्बन्ध रखद्‍यां। अर वु लोग ईं आजादी तैं हम बटि छिनण चाणा छा, अर हमतै यहूदी नियम-कानूनों को गुलाम बणौण की पूरि कोसिस कना छा।

फिलिप्पी 2:3

अर याद रखा, कि यू सब तुम अपणा फैदा अर झूठ्‍ठी बडै खुणि नि कैरा, मगर नमर बणि के एक-दुसरा तैं अफ से जादा खूब समझा।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।