फिलेमोन 1:6 - Garhwali

⁶ अर मि इन प्रार्थना करदु, कि बिस्वास की ज्वा संगत तू दुसरा लोगु का दगड़ा मा रखदी, वेका द्‍वारा त्वेतै या बात भौत अच्छे से पता चलु कि यीशु मसीह पर बिस्वास करण से हम लोगु तैं क्या-क्या अच्छी आसीस मिलदिन।

गढवली नयो नियम

⁶ मि प्रार्थना करदु की विश्वासियों का दगड़ा मा तेरी जु प्रार्थना की संगति च, व बढ़दी जौं, तेरु उ सभि अच्छी चीजों तैं जनण का द्वारा जु पिता परमेश्वर ल हम तैं दीं च। यु सभि मसीह की बड़ै कु हो।

फिलेमोन 1:6 ပူးပေါင်းရင်းမြစ်များ

मत्ती 25:16

“अर जै नौकर तैं पांच हजार सिक्‍का मिली छा, वेन तुरन्त जैके ऊं सिक्‍कों से लेण-देण कैरी, अर पांच हजार सिक्‍का और कमै दिनी।

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

1 कुरिन्थि 14:25

तब वेतैं इन मैसूस होलु कि पिता परमेस्वर वेका सब कामों का बारा मा जणदु च, जु वेन कैरी छिन। तब उ भ्वीं मा पोड़ि के पिता परमेस्वर की भक्‍ति करलु अर बुललु “सच्‍चि मा ज्यून्द पिता परमेस्वर तुमरा बीच मा च।”

1 कुरिन्थि 16:9

किलैकि विरोध करण वळा उख भौत छिन, पर फिर भि शुभ समाचार को परचार करण को एक बड़ु अवसर मिल्यूं च।

फिलिप्पी 4:8

इलै हे मेरा भै-बैंणो, कुछ और बात भि छिन जु की सच्‍चि अर सोच-विचार करण का लैख छिन, अर यू वु बात छिन जु कि साफ अर पवित्र छिन अर यों बातों बटि प्यार किये जान्दु, अर यू खुश कैर देण वळी छिन, अर यों मा हरेक किसम का गुण पये जनदिन, अर यों बातों की तारीफ किये जान्दी, अर यू वु बात छिन जौं पर लगातार तुमतै अपणु ध्यान लगौण चयेणु।

कुलुसी 1:9

इलै हे मेरा भै-बैंणो, जब बटि हमुन तुमरा बारा मा सुणी, त हम भि तुम लोगु खुणि प्रार्थना कना रौन्द्‍यां। अर हम इन प्रार्थना करद्‍यां, कि तुम लोग पूरा आत्मिक तरीके से परमेस्वर का ज्ञान मा अर वेकी मनसा तैं बिंगण मा भरपूर होन्दी जा।

कुलुसी 3:10

अर तुमुन नयू जीवन जीण शुरु कैरियाली, जु कि तुमतै नयू बणौन्दि जाणु च अर यू तुमतै वेका जन बणौन्दु जै परमेस्वर न तुमतै बणै। अर यू नयू जीवन ही तुमतै पिता परमेस्वर को सच्‍चु ज्ञान देन्दु।

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

याकूब 2:14

हे मेरा भै-बैंणो, अगर कुई बुल्दु कि, “मि बिस्वास करदु छौं,” पर वेका मुताबिक वु काम नि करदु, त क्या फैदा ह्‍वे? क्या इन्द्रयो बिस्वास वेतैं कभि छुटकारु दे सकदु च?

याकूब 2:17

अर ठिक उन्‍नि अगर कुई मनखि बिस्वास करदु, पर वेका मुताबिक वेका काम नि छिन, त वेको बिस्वास खतम च।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

1 पतरस 3:1

हे मेरी बैंणो, तुम अपणा-अपणा पति का अधीन मा रा। अर अगर जु तुमरा बीच मा कै को पति, परमेस्वर का वचन को पालन नि करदु हो, त हे मेरी बैंण, अपणा पति कू बिना कुछ बुलयां, तू अपणा पवित्र अर आदर-सम्मान देण वळा चाल-चलन तैं दिखौ, अर इन कैरिके तू अपणा पति तैं बिस्वास मा लेके ऐ सकदी छैई।

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।

2 पतरस 1:8

अर यू वु गुण छिन जौं की तुमतै भौत जरुरत च अर अगर जु यू तुमरा पास भरपूरी से होला, त यू गुण तुमतै हमरा प्रभु यीशु मसीह का ज्ञान मा काम करण वळु अर और भि जादा असरदार बणौन्दिन।