फिलेमोन 1:16 - Garhwali

¹⁶ पर अब वु एक गुलाम नि च बल्किन मा गुलाम से भि कई बढी के च, किलैकि अब उ एक बिस्वासी भै च जै बटि मि भौत प्यार करदु। पर अब वु त्वे खुणि जादा लाडलु होलु, किलैकि अब वु त्वे खुणि एक गुलाम का दगड़ा-दगड़ि एक बिस्वासी भै भि च।

गढवली नयो नियम

¹⁶ पर तू वे तैं अपड़ो गुलाम ही नि समझी, बल्कि उ एक गुलाम बट्टी भि बढ़ि कै च, अब उ एक विश्वासी दगड़िया च जै तैं तु प्रेम कैरी सकद्यां।

फिलेमोन 1:16 ပူးပေါင်းရင်းမြစ်များ

मत्ती 23:8

मगर तुम दुसरा लोगु बटि खुद तैं गुरु नि बुलवयां, किलैकि तुमरो एक ही गुरु च, अर तुम सब आपस मा भै छाँ।

खास चेलों 9:17

तब हनन्याह उख बटि उठी अर वे घौर जनै गै। अर जब हनन्याह वे घौर मा पौंछी, त वेन अपणु हाथ शाऊल पर रखी के बोलि, “शाऊल भै, जै प्रभु यीशु न त्वेतै वे बाटा मा दरसन दे छौ वेन ही मितैं इख तेरा पास भेजि, ताकि तू फिर से दिखण लगि जै अर पवित्र आत्मा से भरपूर ह्‍वे जै।”

1 कुरिन्थि 7:22

अर अगर जु तू गुलाम छैई, अर जब तिन प्रभु यीशु पर बिस्वास कैरी छौ, त पिता परमेस्वर न तेरा दगड़ा मा इन बरतौ नि कैरी, जन एक गुलाम का दगड़ा मा किये जान्दु। अर अगर तू आजाद छैई, अर प्रभु यीशु मसीह पर बिस्वास करदी, त तू मसीह को गुलाम छैई।

कुलुसी 3:22

हे मेरा भै-बैंणो, तुम जु नौकर छाँ तुम अपणा मालिक की सब बातों को पालन कैरा। अर यू काम तुम मनखि तैं खुश करणु खुणि ना, अर ना ही दिखावा करणु खुणि, बल्किन मा अपणा सीदा मन से पिता परमेस्वर पर अपणी पूरि सरदा रखी के ये काम तैं पूरु कैरा।

1 तीमुथियुस 6:2

अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्‍यो, पर ऊ जादा से जादा वेको काम कैरो। किलैकि ऊंका कामों का द्‍वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

1 यूहन्ना 5:1

हे मेरा दगड़्यों, जु मनखि इन बिस्वास करदु कि यीशु ही मसीह च, वेको जनम परमेस्वर की तरफा बटि ह्‍वे, अर जु मनखि जीवन देण वळा तैं प्यार करदु, त उ वेका पुत्र से भि प्यार करदु।