मरकुस 9:9 - Garhwali

⁹ अर यीशु अर वेका तीन चेला ये ढौंडा बटि मूड़ी औणा छा, त वेन ऊंतैं या आज्ञा देई कि जबरि तक मनखि को पुत्र मुरदो मा बटि ज्यून्दु नि ह्‍वे जौ, तबरि तक जु तुमुन देखि वेका बारा मा कै मा नि बुलयां।

गढवली नयो नियम

⁹ जब यीशु अर वेका तीन चेला डांडा बट्टी उंद आंदी बगत वेल ऊं तैं आज्ञा दींनि जब तक मि मनिख कु नौंनो मोरि कै जीवन मा वापिस नि ए जौं तब तक जु कुछ तुम ल डांडा मा देखि उ कै मा नि बुल्यां।

मरकुस 9:9 ပူးပေါင်းရင်းမြစ်များ

मत्ती 12:19

अर वु न त कै का दगड़ा मा झगड़ा करलु, अर वु कै खुणि भि चिल्‍लै के नि बुललु, अर ना ही वेकी आवाज सड़कों मा सुण्यालि।

मत्ती 12:40

अर जन योना एक बड़ा माछा का पुटगुन्द तीन दिन अर तीन रात तक रै, ठिक उन्‍नि मनखि को पुत्र भि धरती का तौळ तीन दिन अर तीन रात तक रालु।

मत्ती 16:21

अर वे बगत बटि यीशु अपणा चेलों तैं बतौण लगि गै कि, “मेरु यरूशलेम नगर कू जाण जरुरी च, अर उख मि अध्यक्षों, मुख्य पुरोहितों अर शास्‍त्री लोगु का द्‍वारा भौत दुख उठौलु अर ऊ मितैं मरवै द्‍याला, अर मि तिसरा दिन मुरदो मा बटि ज्यून्दु ह्‍वे जौलु।”

मत्ती 27:63

अर ऊंन बोलि, “श्रीमान, हमतै याद च, कि ये झूठ्‍ठा मनखि न जब उ ज्यून्दु छौ, त वेन बोलि छौ, ‘मि तीन दिन बाद ज्यून्दु ह्‍वे जौलु।’

मत्ती 8:4

अर यीशु न वेकू बोलि, “पर सुण, येका बारा मा कै मा कुछ भि नि बोलि, मगर जा, अर अफ तैं पुरोहित मा दिखौ। अर अपणा शुद्ध होण का खातिर लोगु का समणि मूसा का दिया नियम-कानूनों का मुताबिक भेंट चड़ौ, ताकि वु लोग खुद ईं बात का गवा ह्‍वे जा, कि तू शुद्ध ह्‍वे गै।”

मरकुस 5:43

फिर वेन ऊंतैं चितै के आज्ञा दिनी, कि या बात कैतैं भि पता नि चलु। अर वींका ब्वे-बाब कू वेन बोलि, “वींतैं खाणु कू कुछ द्‍या।”

मरकुस 7:36

तब यीशु न ऊं लोगु तैं चितै के बोलि कि ईं बात का बारा मा कै मा नि बुलयां, मगर यीशु जथगा ऊंतैं रुकदु छौ, लोग उथगा ही वेका बारा मा बखान करण लगि गैनी।

मरकुस 9:10

इलै वेकी ईं बात तैं ऊंन अपणा मन मा रखी। अर आपस मा बात-चित करण लगि गैनी कि, “मुरदो मा बटि ज्यून्द होण को मतलब क्या ह्‍वे सकदु च?”

मरकुस 9:8

अर अचानक, ऊंन अपणा चौतरफि देखि, त यीशु का अलावा ऊंतैं और कुई नि दिखै।

लूका 24:46

अर वेन ऊंकू बोलि, “इन लिख्यूं च कि मसीह दुख उठालु अर तिसरा दिन मुरयां लोगु मा बटि ज्यून्दु ह्‍वे जालु।

लूका 9:36

अर जब आवाज बन्द ह्‍वे गै, त यीशु इखुली दिखै। अर जु कुछ ऊंन देखि छौ, वे बगत का बारा ऊंन कै बटि कुछ नि बोलि, बल्किन मा ऊ चुपचाप रैनी।