मरकुस 9:4 - Garhwali

⁴ अर उख ऊंन परमेस्वर का रैबर्या एलिय्याह अर मूसा तैं परगट होण देखि, जु कि यीशु का दगड़ा मा बात कना छा।

गढवली नयो नियम

⁴ तब यूं तीन चेलों ल ऊं द्वी परमेश्वर का तरपां बट्टी बुल्ण वलो मूसा अर एलिय्याह तैं देखि जु भौत पैली छा अर यीशु का दगड़ा बातचित कना छा

मरकुस 9:4 ပူးပေါင်းရင်းမြစ်များ

मत्ती 11:13

किलैकि यूहन्‍ना बपतिस्मा देण वळा का बगत तक परमेस्वर का नियम-कानूनों मा बटि और सब रैबर्यों की भविष्यबाणियों मा बटि लोग तैं सिखये गै।

मरकुस 9:3

अर वेका कपड़ा भौत सफेद ह्‍वेके चमकण लगि गैनी, इथगा सफेद कि दुनियां को कुई भि धोबि ध्वेके उथगा सफेद नि कैरी सकदु।

मरकुस 9:5

अर यू देखि के पतरस न यीशु कू बोलि, “गुरुजी, हम सभ्यों को इख रौण ठिक च, इलै हम इख तीन तम्बू बणौला, एक तुम खुणि, एक मूसा खुणि अर एक एलिय्याह खुणि।”

लूका 24:27

तब यीशु न मूसा का द्‍वारा बुलिं बातों बटि शुरु कैरी, अर सब रैबर्यों का द्‍वारा किताबों मा लिखीं भविष्यबाणियों का बारा मा ऊं दुईयों तैं समझौण लगि गै, जु कि वेका बारा मा लिखीं छै।

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

लूका 9:19

तब चेलों न वेतैं जबाब दिनी, “गुरुजी, लोग त तुम खुणि यूहन्‍ना बपतिस्मा देण वळु बुल्दिन, अर कुछ बुल्दिन, कि तुम एलिय्याह रैबर्या छाँ, अर कुछ त इन भि बुल्दिन कि पुरणा रैबर्यों मा बटि कुई ज्यून्दु ह्‍वे गै।”

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”