मरकुस 9:24 - Garhwali

²⁴ अर नौना का बुबा न तुरन्त ऊँची आवाज मा बोलि, “गुरुजी, मि बिस्वास करदु, अर मेरु बिस्वास और जादा मजबूत हो या खुणि मेरी मदद कैरा।”

गढवली नयो नियम

²⁴ वे लड़का का बुबा ल तुरंत गंगजै कै बोलि, “हे प्रभु मि विश्वास करदु मेरा अविश्वास तैं दूर कैर।”

मरकुस 9:24 ပူးပေါင်းရင်းမြစ်များ

मरकुस 9:23

यीशु न वेकू बोलि, “तू क्या बात बोन्‍नि छैई, कि गुरुजी, तुम कुछ कैरी सकद्‍यां? अरे, बिस्वास करण वळा मनखि खुणि सब कुछ ह्‍वे सकदु।”

मरकुस 9:25

अर जब यीशु न देखि की लोग दौड़ी के भीड़ लगौण लगि गैनी, त वेन वे नौना मा लग्यां खबेस तैं झिड़की के बोलि, “हे गूंगा अर बैरा खबेस, मि त्वेतै आज्ञा देन्दु, वेमा बटि निकळि जा, अर फिर येका भितर कभि नि ऐ।”

लूका 17:5

तब खास चेलों न प्रभु कू बोलि, “गुरुजी, हमरु बिस्वास कनकै बढी सकदु?”

लूका 7:38

अर वा यीशु का खुटों का समणि खड़ि ह्‍वेके रुंण लगि गै, अर अपणा आंसुवोंन वेका खुटों तैं भिगौण लगि गै। अर अपणा बाळो से फुंजणि, अर बार-बार वेका खुटों की भूकि पीणी छै, अर वेका खुटों पर खुशबुदार इतर मळणी छै।

लूका 7:44

तब यीशु न वीं जनानि की तरफा मुड़ि के शमौन कू बोलि, “तू ईं जनानि तैं देख, मि तेरा घौर मा औंऽऽ, पर तिन मेरा खुटों तैं धोणु कू पाणि तक भि नि देई। पर ईं जनानि न अपणा आंसुवोंन मेरा खुटों तैं भिगै, अर अपणा बाळुन फुंजी।

खास चेलों 10:19

पतरस अभि तक वे दरसन का बारा मा सुचणु ही छौ, कि तबरि पवित्र आत्मा न वेकू बोलि, “सुण, तीन लोग त्वेतै खुज्याणा छिन।

खास चेलों 10:31

अर वेन मिकू बोलि, ‘हे कुरनेलियुस, परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

2 कुरिन्थि 2:4

अर जब मिन तुम खुणि पैलि चिठ्‍ठी लिखी छै, त वे बगत मि अपणा मन मा भौत परेसान अर दुखी छौ, अर रुवे-रुवे के वा चिठ्‍ठी मिन तुम खुणि लिखीं छै। अर मिन अपणी पैलि चिठ्‍ठी तुमतै दुख देणु खुणि नि लिखी छै, बल्किन मा ईं बात तैं याद दिलौणु खुणि लिखी छै कि मि तुम से कथगा प्यार करदु।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

फिलिप्पी 1:29

अर यीशु मसीह की वजै से ही तुमतै इन हिम्मत मिली कि तुम ना केवल बिस्वास करण मा, बल्किन दुख झिलण का बगत मा भि अपणी हिम्मत बणै के रखी सैका।

2 थिस्सलुनीकी 1:11

इलै हम तुम खुणि हमेसा इन प्रार्थना करद्‍यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्‍यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

2 तीमुथियुस 1:4

अर तीमुथियुस जब तू मेरा बाना रुवे छै, ऊ सब मितैं याद औन्दु। अर मेरी इच्छा होन्दी कि मि त्वे बटि मिलु, ताकि मेरी खुशी को कुई ठिकाणु नि रौ।

इब्रानी 12:17

तुम जणदा ही छाँ कि वेका बाद मा जब वेन विरासत की वीं आसीस तैं पौण चै, त फिर वु वीं आसीस का लैख नि रै। हालांकि वेन रुवे-रुवे के अपणा बुबा इसहाक का फैसला तैं बदलण की पूरि कोसिस कैरी, मगर इन नि ह्‍वे सैकी।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

इब्रानी 5:7

अर जब यीशु मसीह ईं धरती पर छौ त वे बगत वेन ऊँची आवाज मा परमेस्वर तैं बुलै अर रुवे-रुवे के वेसे बिन्ती कैरी जु की वेतैं मौत से बचै सकदु छौ। अर पिता परमेस्वर न वेकी प्रार्थना तैं सुणी, किलैकि यीशु न वे पर अपणी पूरि सरदा रखी के खुद तैं वेका सुपुर्द कैरी दिनी।