मरकुस 9:20 - Garhwali

²⁰ तब ऊ वे नौना तैं वेका पास लेके ऐनी, अर जब वे खबेस न यीशु तैं देखि, त खबेस न तुरन्त वे नौना तैं मरोड़ि, अर उ नौनु भ्वीं मा पोड़ि गै, अर वेका गिच्‍चा बटि गाज निकळण लगि गै, अर वु भैंकर लफड़ाण लगि गै।

गढवली नयो नियम

²⁰ तब उ लड़का तैं यीशु मा लेकै ऐनी अर जब दुष्टात्मा ल यीशु तैं देखि त वीं दुष्टात्मा ल वे तैं मड़कै अर उ भुयां धरती मा पोड़ि गै अर गिच्चा बट्टी झाग निकाली अर उ लफड़ाण लगि गै।

मरकुस 9:20 ပူးပေါင်းရင်းမြစ်များ

मरकुस 1:26

तब वे खबेस न वेतैं मरोड़ि, अर चिल्‍लै-चिल्‍लै के वेमा बटि भैर निकळि गै।

मरकुस 9:18

अर जब उ खबेस वेतैं अपणा वश मा करदु, त वेतैं उखि पटकी देन्दु, अर मेरा नौना का गिच्‍चा बटि गाज निकळण लगि जान्दु, अर उ अपणा दांत कड़गिटाण लगि जान्दु, अर अकडै़ भि जान्दु। अर गुरुजी, मिन तुमरा चेलों कू बोलि, कि ऊ वे खबेस तैं वेमा बटि निकाळि द्‍या, मगर ऊ वेतैं निकाळि नि सकिनी।”

मरकुस 9:19

अर ईं बात तैं सुणी के यीशु न ऊंकू बोलि, “हे बिस्वास नि करण वळा पीढ़ी का लोगु, आखिर मि कब तक तुमरा दगड़ा मा रौलु? अर कब तक तुमरि सौलु? तुम वे नौना तैं इनै लेके आ।”

मरकुस 9:21

यीशु न वे नौना का बुबा बटि पूछी, “येकी इन्दरि हालत कब बटि च?” वेन बोलि, “बचपन बटि, गुरुजी।

मरकुस 9:26

तब उ चिल्‍लै के अर वे नौना तैं भौत जादा मरोड़ि के वेमा बटि निकळि गै, अर वु नौनु इन ह्‍वे गै जन कि वेका पराण वेमा बटि निकळि गै हो। अर यू देखि के भौत सा लोग इन बोन्‍न लगि गैनी कि, “अरे, यू त मोरि गै।”

लूका 4:35

तब यीशु न वेतैं झिड़की के बोलि, “चुप रौ, अर वेमा बटि निकळि जा।” तब वे खबेस न वेतैं लोगु का बीच मा पटकी, अर बगैर कुई नुकसान पौंछयां उ वे मनखि मा बटि निकळि गै।

लूका 9:39

अर देखा, एक खबेस मेरा नौना तैं अपणा कब्जा मा कैरी देन्दु अर उ अचानक जोर-जोर से चिलाण लगि जान्दु। अर उ खबेस वेतैं इन मरोड़दु कि वेका गिच्‍चा बटि गाज निकळण लगि जान्दु, अर उ मेरा नौना तैं बड़ी मुस्किल से छुड़दु, अर उ खबेस वेको नास करण चाणु च।

लूका 9:42

अर जब नौनु यीशु का पास औणु ही छौ, तब खबेस न वेतैं पटकी के मरोड़ि दिनी। पर यीशु न वे खबेस तैं झिड़की, अर वे नौना तैं खूब कैरिके वेका बुबा का सुपुर्द कैरी दिनी।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।