मरकुस 8:38 - Garhwali

³⁸ अर कुई मनखि परमेस्वर तैं छोड़ के चलि जान्दु अर ईं पापि पीढ़ी का लोगु का समणि मि बटि अर मेरा वचनों बटि सरमान्दु, त जब मनखि को पुत्र भि अपणा पवित्र स्वर्गदूतों का दगड़ा, अर अपणा पिता की सामर्थ का दगड़ा मा वापस आलु, त उ भि वे मनखि से सरमालु।”

गढवली नयो नियम

³⁸ जु कुई यु व्यभिचारी अर पापी जाति का बीच मा मि अर मेरी बातों सै शर्मालो मि मनिख कु नौंनो भि जब उ पवित्र स्वर्गदूत का दगड़ा मा अपड़ा बुबा बड़ी महिमा का प्रकाश मा आलो त तब उ भि ऊंको इन्कार कैरी दयालो।”

मरकुस 8:38 ပူးပေါင်းရင်းမြစ်များ

मत्ती 12:39

वेन ऊंतैं जबाब दिनी कि, “ईं पीढ़ी का बुरा अर बिस्वासघात करण वळा लोग ही चमत्कारिक चिन्‍न खुज्यौदिन, पर परमेस्वर का रैबर्या योना का दगड़ा मा जु कुछ भि ह्‍वे, वे चिन्‍न का अलावा ऊंतैं कुई चमत्कारिक चिन्‍न नि दिखये जालु।

मत्ती 13:41

अर वे बगत मनखि को पुत्र अपणा स्वर्गदूतों तैं भेजलु, अर वु वेका राज मा आला अर जु लोग दुसरा लोगु खुणि पाप करण की वजा बणदिन, अर ऊ सब लोग भि जु कि बुरा काम करदिन, स्वर्गदूत ऊं सब लोगु तैं इकट्‍ठा करला,

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

मत्ती 16:4

ईं पीढ़ी का बुरा अर बिस्वासघात करण वळा लोग ही चमत्कारिक चिन्‍न खुज्यौदिन, पर परमेस्वर का रैबर्या योना का चिन्‍न का अलावा ऊंतैं कुई चमत्कारिक चिन्‍न नि दिखये जालु।” अर इन बोलि के यीशु ऊंतैं उखि छोड़ि के चलि गै।

मत्ती 24:30

अर मनखि का पुत्र को औण को चिन्‍न आसमान मा दिख्यालु, तब धरती का सब जाति का लोग भौत दुखी ह्‍वेके रुंण लगि जाला। अर लोग मनखि का पुत्र तैं बादळों मा अपणी बड़ी ताकत अर बड़ा आदर-सम्मान का साथ मा औन्द दिखला।

मत्ती 25:31

अर यीशु न ऊंकू बोलि, “जब मनखि को पुत्र अपणी पूरि सामर्थ का दगड़ा मा आलु अर सब स्वर्गदूत वेका दगड़ा होला। तब उ बड़ा आदर-सम्मान की राजगद्‍दी पर बैठलु,

मत्ती 26:64

अर यीशु न बोलि, “तुमुन अफि बोलियालि। फिर भि मि तुम लोगु बटि बोन्‍नु छौं, अब बटि तुम मनखि का पुत्र तैं सबसे महान परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

मरकुस 13:26

तब लोग मनखि का पुत्र तैं बादळों मा बड़ी ताकत अर बड़ा आदर-सम्मान का साथ मा वापस औन्द दिखला।

मरकुस 14:62

तब यीशु न बोलि, “मि छौं, तुम लोग मनखि का पुत्र तैं बड़ा आदर का साथ ताकतबर परमेस्वर की दैंणी तरफा बैठयूं, अर आसमान मा बादळों पर औन्द दिखल्या।”

मरकुस 8:37

किलैकि अगर कुई मनखि सदनि का जीवन तैं ख्वे द्‍यो, त उ वेतैं वापिस नि मिली सकदु?

लूका 19:26

अर मालिक न बोलि, ‘मि तुम बटि बोन्‍नु छौं कि, जु कुई परमेस्वर का राज तैं बिंगणे की इच्छा रखदु, वेतैं वेका बारा मा बिंगण को और भि जादा ज्ञान दिये जालु। मगर जु मनखि इन सोचदु, कि मितैं भौत ज्ञान च त वे बटि वु ज्ञान भि छिनै जालु।

लूका 9:26

अर जु कुई मि बटि अर मेरा वचनों बटि सरमान्दु, त जब मनखि को पुत्र अपणी अर अपणा पिता अर पवित्र स्वर्गदूतों की सामर्थ का दगड़ा मा वापस आलु, त उ भि वे मनखि से सरमालु।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:51

अर यीशु न वेकू यू भि बोलि, “मि तुम लोगु बटि सच्‍चि ही बोन्‍नु छौं, कि तुम स्वर्ग तैं खुल्यूं अर परमेस्वर का स्वर्गदूतों तैं उब जान्द अर जख मनखि को पुत्र, याने मि छौं, उख उतरद दिखल्या।”

यूहन्ना 12:34

तब लोगु न वेकू बोलि, “हमुन पवित्रशास्‍त्र मा बटि यू सुणी, कि मसीह त हमेसा रालु। पर तुम इन किलै बुलणा कि, ‘मनखि का पुत्र तैं ऊँचा पर चड़ये जालु?’ त फिर यू मनखि को पुत्र कु च?”

यूहन्ना 5:27

अर इख तक की वेन वेतैं न्याय करण को भि अधिकार दियूं च, किलैकि उई मनखि को पुत्र च।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

गलातियों 6:14

अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।

1 थिस्सलुनीकी 2:19

अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

1 थिस्सलुनीकी 3:13

अर हम तुम खुणि इन्‍नि भि प्रार्थना करद्‍यां, कि प्रभु यीशु तुमरा मनों तैं मजबूत कैरो, ताकि जब उ अपणा पवित्र लोगु का दगड़ा मा अऽ, त तुम हमरा पिता परमेस्वर का समणि वेकी नजर मा पवित्र अर निरदोष ठैरा।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

2 तीमुथियुस 1:16

अर मि प्रार्थना करदु, कि उनेसिफुरुस का घौर मा रौण वळा सब लोगु पर परमेस्वर कि दया हो, किलैकि जब मि बेड़ियों मा कैद होयुं छौ, तब उ मितैं मिलण से नि सरमै। पर उ बार-बार मितैं मिलणु कू ऐ अर वेन मेरी हिम्मत भि बढै।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

इब्रानी 11:16

मगर अब वु एक इन जगा पौण की आस रखदिन, जैको नातु स्वर्ग से च इलै परमेस्वर भि ऊंको परमेस्वर होण मा सरम मैसूस नि करदु, किलैकि वेन ऊं खुणि एक नगर तयार कैरिके रख्युं च, अर उ नगर स्वर्ग मा च।

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

इब्रानी 13:13

इलै आ, हम पुरणि बातों तैं छोड़ि के यीशु मसीह का पास ऐ जां, अब चै हमरि बेजती ही किलै नि हो।

याकूब 4:4

हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

1 यूहन्ना 2:23

अर जु पुत्र तैं स्वीकार नि करदु, वेका पास पिता परमेस्वर भि नि च। पर जु मनखि पुत्र तैं स्वीकार करदु, वेका पास पिता परमेस्वर भि च।

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

दिब्य दरस 14:10

त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।