मरकुस 8:17 - Garhwali

¹⁷ अर ऊंकी बातों तैं जाणि के वेन ऊंकू बोलि, “तुम मा रुट्‍टी नि च यां का खातिर तुम किलै इथगा विचार कना छाँ? क्या तुमुन मितैं अभि तक नि पछ्याणी, क्या तुम मेरा बारा मा अभि तक नि समझयां? क्या तुमरा मन निठुर ह्‍वे गैनी?

गढवली नयो नियम

¹⁷ यु जांणि के यीशु ल ऊंमा बोलि, “तुम आपस मा किलै यु विचार कना छा कि हम मा रुट्टि नि च? क्य तुम ल अपड़ा जिकुड़ा ढीट कैरेली की तुम अब तक नि समझ सक्यां?”

मरकुस 8:17 ပူးပေါင်းရင်းမြစ်များ

मत्ती 12:15

अर यीशु यू जाणि गै, अर उख बटि चलि गै। अर भौत सा लोग वेका पिछनै चलण लगि गैनी, अर वेन सब बिमार लोगु तैं खूब कैरी,

मत्ती 15:17

अर क्या तुमरि बिंगण मा नि औन्दु, कि जु कुछ भि गिच्‍चा भितर जान्दु उ पुटगुन्द ही जान्दु, अर सुबेर मल का रुप मा भैर निकळि जान्दु?

मत्ती 16:7

अर या बात सुणी के वु आपस मा विचार कैरिके बोन्‍न लगि गैनी ऊंन बोलि, “हम रुट्‍टी नि लयां क्या पता उ इलै ही हम कू इन बोन्‍नु च।”

मरकुस 16:14

अर येका बाद जब यीशु का ग्यारा चेला खाणुक खाणु खुणि बैठयां छा, त वे बगत उ ऊंतैं दिखै। तब यीशु न ऊंका निठुर मन अर बिस्वास की कमी की वजै से ऊंतैं झिड़की, किलैकि ज्यून्द होण का बाद जौं लोगु न वेतैं देखि छौ, ऊंकी बातों पर भि यों न यकीन नि कैरी।

मरकुस 2:8

पर यीशु तुरन्त अपणी आत्मा मा जाणि गै, कि वु अपणा मनों मा क्या सुचणा छिन। तब वेन ऊंकू बोलि, “तुम अपणा मनों मा इन किलै सुचणा छाँ?

मरकुस 3:5

अर ऊंका निठुर पराण तैं देखि के यीशु तैं बड़ु दुख ह्‍वे, अर गुस्सा मा चौतरफि देखि के वेन सुख्यां हाथ वळा मनखि कू बोलि, “अपणु हाथ अगनै बढ़ो।” अर जब वेन अपणु हाथ अगनै बढै, तब वेकू हाथ खूब ह्‍वे गै।

मरकुस 6:52

किलैकि चेला अभि भि यीशु का द्‍वारा कियां रुट्‍टी का वे बड़ा चमत्कार तैं समझि नि छा, अर ऊंका मन अभि तक भि निठुर छा।

मरकुस 8:16

अर वु अपणा आपस मा विचार कैरिके बोन्‍न लगि गैनी कि, “हम मा रुट्‍टी नि च, क्या पता इलै ही गुरुजी इन बोन्‍ना छिन?”

लूका 24:25

तब वेन ऊंकू बोलि, “अरे लाटों, अर परमेस्वर का रैबर्यों का द्‍वारा बोलि बातों पर देर से बिस्वास करण वळो,

यूहन्ना 16:30

अर अब हम समझि ग्यां, कि तुम सब कुछ जणदा छाँ। अर अब हमतै जरुरत नि च, कि तुम बटि कुछ भि सवाल पूछा। अर यां से हम बिस्वास करद्‍यां, कि तुम परमेस्वर की तरफा बटि अयां छाँ।”

यूहन्ना 21:17

अर यीशु न तिसरी दौं वेकू बोलि, “हे यूहन्‍ना का नौना शमौन, क्या तू मि बटि प्यार करदी?” तब पतरस तैं दुख ह्‍वे, किलैकि यीशु न तिसरी दौं वे बटि पूछी छौ कि, “क्या तू मि बटि प्यार करदी?” इलै वेन वेकू बोलि, “हे प्रभु, तुम त सब कुछ जणद्‍यां। अर यू भि जणद्‍यां, कि मि तुम बटि प्यार करदु छौं।” तब यीशु न वेकू बोलि, “मेरी भेड़ों तैं चरो।

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।