मरकुस 8:11 - Garhwali

¹¹ अर फरीसी दल का कुछ लोग यीशु का पास ऐके वाद-विवाद करण लगि गैनी, अर वेकी अजमैस करणु खुणि स्वर्ग बटि कै चमत्कारिक चिन्‍न तैं दिखौण की मांग कैरी।

गढवली नयो नियम

¹¹ फिर फरीसी वे दगड़ी बहस कन लगि गैनी अर वेमा सामर्थ का काम का चमत्कार कनु कु बोलि, अपड़ा अधिकार तैं साबित कनु कु हम तैं कुई स्वर्गीय चिन्ह देखो, किलैकि उ वे तैं फंसाण चांदा छा।

मरकुस 8:11 ပူးပေါင်းရင်းမြစ်များ

मत्ती 12:38

तब कुछ शास्‍त्रियों अर फरीसी दल का लोगु न यीशु कू बोलि, “गुरुजी, हम चन्द्‍यां कि तुम हमतै एक चमत्कारिक चिन्‍न दिखा।”

मत्ती 19:3

तब फरीसी दल का लोग यीशु की अजमैस करणु खुणि वेका पास ऐनी अर ऊंन वेकू बोलि, “क्या या बात ठिक च, कि कुई भि मनखि अपणी जनानि तैं कैं भि वजै से तलाक दे सकदु?”

मत्ती 21:23

अर एक बार इन ह्‍वे कि यीशु मन्दिर मा जैके उपदेस देणु छौ। तबरि तक उख कुछ मुख्य पुरोहित, अर लोगु का कुछ यहूदी अध्यक्षों न वेका पास ऐके पूछी, “गुरुजी, हमतै इन बता कि तुम कै का दियां अधिकार से यू काम करद्‍यां? अर कु च उ जैन तुमतै यू अधिकार देई?”

मत्ती 22:15

तब फरीसी दल का लोग उख बटि चलि गैनी। अर अपणा आपस मा मिली के ऊंन एक सला बणै, कि यीशु तैं वेकी ही बात मा कनकै फसांण।

मत्ती 22:18

पर यीशु न ऊंका मन का कपट तैं जाण्यालि छौ इलै वेन ऊंकू बोलि, “हे ढोंगियों, तुम मितैं किलै अजमौणा छाँ?

मत्ती 22:23

अर वे ही दिन सदूकी दल का लोग यीशु का पास ऐनी अर यू इन मणदिन कि मुरयां लोग फिर से ज्यून्दा नि ह्‍वे सकदिन इलै ऊंन वेसे पूछी,

मरकुस 12:15

पर यीशु ऊंका मन का कपट तैं जाणि गै इलै वेन ऊंकू बोलि, “तुम मितैं किलै अजमौणा छाँ? मेरा पास चांदी को एक सिक्‍का ला, अर मितैं दिखा।”

मरकुस 2:16

अर शास्‍त्री अर फरीसी दल का लोगु न देखि कि यू त चुंगी लेण वळो अर इन्‍नि दुसरा पापियों का दगड़ा मा खाणुक खाणु च, त ऊंन यीशु का चेलों कू बोलि, “तुमरो गुरु चुंगी लेण वळो अर ऊंका ही जन दुसरा पापि लोगु का दगड़ा मा खाणुक किलै खान्दु?”

मरकुस 9:16

अर वेन ऊं से पूछी, “तुम लोग ऊंका दगड़ा मा कैं बात का खातिर बहस कना छाँ?”

लूका 10:25

अर एक बार एक मनखि जु की शास्‍त्री छौ, वेन यीशु तैं परखण का खातिर खड़ु ह्‍वेके बोलि, “गुरुजी, सदनि का जीवन को वारिस होणु खुणि मि क्या जि कैरुं?”

लूका 11:16

तब कुछ लोगु न वेकी अजमैस करण खुणि वे बटि एक स्वर्गीय चिन्‍न की मांग कैरी।

यूहन्ना 4:48

तब यीशु न वेकू बोलि, “जबरि तक तुम लोग चिन्‍न अर चमत्कार का कामों तैं नि दिखल्या, तबरि तक तुम बिस्वास नि करिल्या।”

यूहन्ना 6:30

तब ऊंन वेकू बोलि, “तुम हमतै कु जि अदभुत चिन्‍न दिखैल्या, कि हम वेतैं देखि के तुम पर बिस्वास कैरा?

यूहन्ना 7:48

अर क्या हमरा मुख्यों या फरीसियों मा बटि कैन भि वे पर बिस्वास कैरी?

यूहन्ना 8:6

ऊंन वेतैं अजमौणु कू या बात बोलि, ताकि यीशु पर इळजाम लगै सैका। पर यीशु मूड़ी-झुकि के अपणा अंगुळळ भ्वीं मा कुछ लिखण लगि गै।

खास चेलों 5:9

पतरस न वींकू बोलि, “या क्या बात च, कि तुम दुईया का दुई परमेस्वर की आत्मा तैं परखणु खुणि एक मन ह्‍वे ग्यां? देख, तेरा पति तैं दफनौण वळा द्‍वार पर ऐ गैनी, अर सुण, अब वु त्वेतै भि उठे के भैर लि जाला।”

1 कुरिन्थि 10:9

अर ना ही हम प्रभु तैं परखा कि उ कब तक हमरा दगड़ा मा च, किलैकि ऊंमा बटि भौत सा लोगु न इन्‍नि कैरी छौ। तब ऊंतैं दण्ड मिली, अर गुरौ न ऐके ऊंतैं काटी अर भौत सा लोग इनकै मोरि गैनी।