मरकुस 7:37 - Garhwali

³⁷ अर जथगा भि लोगु न यीशु का बारा मा सुणी वु सब हैरान ह्‍वेके बुलण लगि गैनी कि, “वेन जु कुछ भि कैरी वु सब ठिक कैरी, अरे वु त बैरो तैं सुनणे की अर गूंगों तैं बुलणै की ताकत देन्दु।”

गढवली नयो नियम

³⁷ उ भौत भैंचक मा पोड़ि के बुल्ण लगि गैनी, “वेल सब कुछ अच्छो कैरी उ बैहरो तैं सुंनणै कि अर गूंगो तैं बुल्ण की शक्ति दींद।”

मरकुस 7:37 ပူးပေါင်းရင်းမြစ်များ

मत्ती 9:32

अर जब यीशु अर वेका चेला वे घौर बटि निकळणा ही छा, कि कुछ लोग एक गूंगा मनखि तैं यीशु का पास लेके ऐनी, जै पर खबेस लग्यूं छौ। अर वे खबेस न वे मनखि तैं गूंगु बणै के रख्युं छौ।

मरकुस 1:27

अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “अरे यू सब क्या होणु च? यू त कुई नयू उपदेस च। अर यू अधिकार पयां मनखि का जन खबेसों तैं भि आज्ञा देन्दु, अर वु वेकी आज्ञा मणदिन।”

मरकुस 2:12

तब उ उठी अर तुरन्त अपणा बिस्तर तैं उठे के ऊं लोगु का समणि बटि निकळि के चलि गै। अर यू देखि के सब लोग हकदक ह्‍वे गैनी, अर परमेस्वर की बडै कैरिके बोन्‍न लगि गैनी कि, “हम लोगु न इन पैलि कभि नि देखि।”

मरकुस 4:41

तब यू देखि के चेला भौत डौऽरी गैनी अर आपस मा बोन्‍न लगि गैनी, “अरे, आखिर मा यू छैई कु च? जु कि आंधी अर पाणि तैं आज्ञा देन्दु, अर ऊ वेकी मणदिन।”

मरकुस 5:42

अर बारा साल की वा नौनि तुरन्त उठी के चलण-फिरण लगि गै, अर यू देखि के वेका दगड़ा का लोग ताजुब मा पोड़ि गैनी।

मरकुस 6:51

तब वु वीं नाव मा चैड़ि, त हवा रुकी गै, अर वु सब भौत दंग रै गैनी।

मरकुस 7:36

तब यीशु न ऊं लोगु तैं चितै के बोलि कि ईं बात का बारा मा कै मा नि बुलयां, मगर यीशु जथगा ऊंतैं रुकदु छौ, लोग उथगा ही वेका बारा मा बखान करण लगि गैनी।

मरकुस 8:1

अर ऊं ही दिनों की बात च जब एक बड़ी भीड़ यीशु का पास इकट्‍ठा ह्‍वे, अर ऊंका पास खाणु खुणि कुछ नि छौ। तब यीशु न अपणा चेलों तैं बुलै अर ऊंकू बोलि कि,

लूका 23:41

अर हमुन जु काम करिनी वेका मुताबिक ठिक दण्ड पैके अब हम न्याय का मुताबिक ईं सजा तैं भुगतणा छां। पर येन त इन्द्रयो कुई भि बुरु काम नि कैरी छौ।”

खास चेलों 14:11

अर जब लुकाउनिया मुलक का लोगु न पौलुस का द्‍वारा ये काम तैं होन्द देखि, त अपणी भाषा मा ऊँची आवाज मा बोलि, “आज भगवान हमरा बीच मा मनखियों का रुप मा उतरि के ऐ गैनी।”