मरकुस 7:34 - Garhwali

³⁴ तब वेन स्वर्ग जनै देखि अर लम्बी सांस लेके वेकू बोलि, “इफ्फत्तह” जैको मतलब च “खुलि जा।”

गढवली नयो नियम

³⁴ अर यीशु ल स्वर्ग जनै देखि के परमेश्वर बट्टी गहरी सांस लै के प्रार्थना कैरी अर वेकु बोलि, “इफ्फत्तह” ज्यांकु यु मतलब च “खुलि जा”

मरकुस 7:34 ပူးပေါင်းရင်းမြစ်များ

मरकुस 1:41

अर यीशु तैं वे पर बड़ु तरस ऐ अर वेन अपणा हाथ तैं अगनै बढै के वेतैं छ्वी अर बोलि, “हाँ, मि चान्दु छौं कि तू शुद्ध ह्‍वे जा।”

मरकुस 15:34

अर तीन बजी यीशु न ऊँची आवाज मा चिल्‍लै के बोलि, “इलोई, इलोई, लमा शबक्‍तनी?” ज्यां को मतलब इन च कि, “हे मेरा परमेस्वर, हे मेरा परमेस्वर, तुमुन मितैं किलै छोड़याली?”

मरकुस 5:41

अर यीशु न वीं नौनि को हाथ पकड़ी के बोलि, “तलीता, कूमी” ज्यां को मतलब च कि “हे छुटी नौनि, मि त्वेकू बोन्‍नु छौं, उठ।”

मरकुस 6:41

तब यीशु न पांच रुट्‍टी अर दुई माछों तैं लेई, अर स्वर्ग जनै देखि के परमेस्वर को धन्यवाद देई, अर रुट्‍टी तोड़ि-तोड़ि के चेलों तैं दिनी, ताकि वु लोग कू परोसा। अर ठिक उन्‍नि वेन दुई माछा भि ऊं सभ्यों मा बांटि दिनी।

मरकुस 7:35

अर तुरन्त वेका कन्दूड़ खुलि गैनी, अर वेकी जीब की गाँठ भि खुलि गै, अर वु साफ-साफ बुलण लगि गै।

मरकुस 8:12

अर वेन गैरी सांस लेके बोलि, “ईं पीढ़ी का लोग चिन्‍न किलै खुज्यौदिन? मि तुम बटि सच्‍च बोन्‍नु छौं, कि ईं पीढ़ी का लोगु तैं कुई चिन्‍न नि दिये जालु।”

लूका 18:42

अर यीशु न वेकू बोलि, “दिखण लगि जा, तेरा बिस्वास न त्वेतै खूब कैरियाली।”

लूका 19:41

अर जब यीशु यरूशलेम नगर का नजदीक पौंछी, त वे नगर तैं देखि के उ रुंण लगि गै।

लूका 7:14

अर वेन समणि जैके, डांडी तैं छ्वी। तब डांडी तैं लि जाण वळा रुकी गैनी। अर वेन बोलि “हे ज्वान, मि त्वेकू बोन्‍नु छौं कि, ‘उठी जा।’”

यूहन्ना 11:33

अर यीशु न देखि की मरियम रुंणी च, अर जु यहूदी लोग वींका दगड़ा मा अयां छा, ऊ भि रुंणा छिन। तब उ आत्मा मा भौत उदास ह्‍वे गै अर हकबकै गै।

यूहन्ना 11:35

अर यीशु रुंण लगि गै।

यूहन्ना 11:38

तब यीशु फिर से मन मा भौत उदास ह्‍वे अर कबर पर गै। अर वा कबर एक उड़्यार छै, अर वेका मुखा समणि एक डांग लग्यूं छौ।

यूहन्ना 11:41

फिर ऊंन वे डांग तैं एक तरफा फरके दिनी। तब यीशु न नजर उठे के स्वर्ग जनै देखि अर बोलि, “हे पिता, मि तुमरो धन्यवाद करदु छौं, कि तुमुन मेरी सुण्यालि।

यूहन्ना 11:43

अर इन बोन्‍ना का बाद यीशु न धै लगै के बोलि, “हे लाजर, भैर अऽ।”

यूहन्ना 17:1

अर यू सब बोन्‍ना का बाद यीशु न स्वर्ग जनै देखि के प्रार्थना कैरी, “हे पिता, अब वा घड़ी ऐ गै। तुमरो पुत्र कथगा महान च, यू दिखै द्‍या, ताकि पुत्र का द्‍वारा भि यू दिखै जौ, कि तुम कथगा महान छाँ।

खास चेलों 9:34

तब पतरस न वेकू बोलि, “हे ऐनियास उठ, अर अपणु बिस्तर उठौ, किलैकि यीशु मसीह त्वेतै खूब कनु च।” अर वु तुरन्त उठी के खड़ु ह्‍वे गै।

खास चेलों 9:40

तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।