मरकुस 7:21 - Garhwali

²¹ किलैकि मनखि का मन से याने कि वेका भितर बटि ही बुरा विचार अर दुसरि जनानियों तैं गळत नजर से दिखण, चोरी करण इख तक की हत्या करण, दुसरि जनानियों का दगड़ा मा गळत सम्बन्ध रखण,

गढवली नयो नियम

²¹ किलैकि भितर बट्टी जन मनिख्युं का ह्रदय बट्टी बुरा-बुरा विचार व्यभिचार, चोरी, हत्या, परस्त्रीगमन

मरकुस 7:21 ပူးပေါင်းရင်းမြစ်များ

मत्ती 15:19

किलैकि बुरा ख्याल, हत्या करण, दुसरि जनानियों पर गळत नजर रखण, अर दुसरि जनानियों का दगड़ा मा गळत सम्बन्ध रखण, चोरी करण, झूठ्‍ठी गवै देण, दुसरो की बुरै करण, इन्दरि किसमे सब बात मनखि का मन बटि ही निकळदिन।

मत्ती 9:4

पर यीशु ऊंका विचारों तैं जाणि गै अर वेन ऊंकू बोलि, “तुम लोग अपणा-अपणा मनों मा बुरी बातों तैं किलै सुचणा छाँ?

मरकुस 7:20

पर जु कुछ मनखि का भितर बटि भैर निकळदु, वु ही मनखि तैं अशुद्ध करदु।

मरकुस 7:22

लालच करण, अर दुसरो की बुरै करण, छल-कपट, हवस, बुरी नजर से दुसरो तैं दिखण, दुसरा लोगु की बेजती करण, अर अपणा ही मिजाज मा रौण, अर मूरख होण।

लूका 16:15

अर वेन ऊंकू बोलि कि, “तुम त लोगु का समणि अफ तैं धरमी ठैरौन्द्‍यां, पर परमेस्वर तुमरा मनों तैं जणदु च, किलैकि ज्वा चीज मनखियों की नजर मा सबसे महान होन्दी, वीं ही चीज से परमेस्वर नफरत करदु।

खास चेलों 5:4

तेरा मन मा इन्द्रयो ख्याल किलै ऐ? वे हिस्सा का बिकण से पैलि उ तेरु ही छौ अर जब तिन वु बेचि छौ, त मिल्यां रुपयों पर भि तेरु ही अधिकार छौ। हनन्याह, तिन मनखियों बटि ना, बल्किन मा परमेस्वर बटि झूठ्‍ठ बोलि।”

खास चेलों 8:22

इलै अपणी ईं बुरै का बाना पस्ताप कैर अर प्रभु से प्रार्थना कैर। अर क्या पता परमेस्वर तेरा ये ख्याल तैं माफ कैर द्‍यो।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

रोमियों 7:8

मगर पाप आज्ञा को इस्तेमाल कैरिके अफ खुणि एक मौका खुजै देन्दु। अर फिर वेन मितैं हरेक चीज तैं पौण खुणि मेरा मन मा लालच पैदा कैरी, ताकि मि उन्‍नि कैरुं। अर मि तुमतै बतै देन्दु कि जख नियम-कानून नि छिन उख पाप को भि नौ नि च।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

याकूब 2:4

त क्या इन कैरिके तुमुन आपस मा भेदभाव नि कैरियाली? अर क्या गळत विचार रखी के तुम न्याय करण वळा नि बणि ग्यां?