मरकुस 7:15 - Garhwali

¹⁵ इन्दरि कुई भि चीज नि च ज्वा कि भैर बटि मनखि का भितर जौ अर वेतैं अशुद्ध कैरी द्‍यो, मगर जु चीज मनखि का भितर बटि निकळदिन उई वेतैं अशुद्ध करदिन।

गढवली नयो नियम

¹⁵ इन कुई बातें नि च जु मनिख्युं तैं भैर बट्टी समैके वे तैं अशुद्ध कैर पर ज्वा चीज मनिख्युं का भितर बट्टी निकलदींनि व ही वे तैं अशुद्ध करदींनि।

मरकुस 7:15 ပူးပေါင်းရင်းမြစ်များ

मत्ती 12:34

हे गुरौ का बच्‍चों, तुम त बुरा छाँ, त फिर तुम अच्छी बात कनकै बोलि सकद्‍यां? किलैकि जु कुछ मन मा भोरयूं होन्दु, मनखि का गिच्‍चा बटि उई निकळदु।

मत्ती 15:16

वेन बोलि, “क्या तुम अभि तक नासमझ छाँ?

मरकुस 7:14

तब यीशु न भीड़ का लोगु तैं फिर से अपणा पास बुलै अर ऊंकू बोलि, “तुम सब मेरी बात तैं सुणा अर वींतैं बिंगण की कोसिस कैरा।

मरकुस 7:16

[अगर कै का कन्दूड़ छिन, त वु सुणी ल्यो।”]

खास चेलों 10:28

अर वेन ऊंकू बोलि कि, “तुम लोग त जणदा ही छाँ, कि कै भि यहूदी जाति का मनखि तैं दुसरि जाति का लोगु का दगड़ा मा कन्द्रयो भि मेल-जोल रखण या ऊंका इख जाण, हमरा नियम-कानूनों का खिलाप मा च। मगर फिर भि परमेस्वर न मितैं इन दिखै, कि मि कै भि मनखि तैं इन नि समझु, कि वु पवित्र नि च या परमेस्वर कैतैं स्वीकार नि करदु।

रोमियों 14:17

किलैकि पिता परमेस्वर का राज को मतलब खाण-पीण नि च, बल्किन मा वेकी नजर मा धरमी जीवन जीण से च। अर वेकी पवित्र आत्मा का द्‍वारा भलै करण, शान्ति से रौण, अर बड़ी खुशी से अपणु जीवन जीण से च।

1 कुरिन्थि 10:25

इलै बजारों मा जु कुछ भि लोग बिकौन्दिन, हम वेतैं लेके खै सकदा छां। अर हमतै यू पूछण कि जरुरत नि च, कि यू मूरत का अगनै चड़ये गै कि ना। हमतै बिना सक कियां खाण चयेणु।

तीतुस 1:15

अर जौं को मन शुद्ध च इन्द्रया लोगु खुणि सब कुछ शुद्ध च, पर जौं लोगु का मन मा बुरै भुरीं च अर जु बिस्वास नि करदिन ऊं खुणि कुछ भि शुद्ध नि च। अर ऊं लोगु की अकल अर मन इन बिगाड़ि गै, अर ऊंतैं इन पता नि च कि क्या जि सही च अर क्या जि गळत।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

इब्रानी 9:10

अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।