मरकुस 6:52 - Garhwali

⁵² किलैकि चेला अभि भि यीशु का द्‍वारा कियां रुट्‍टी का वे बड़ा चमत्कार तैं समझि नि छा, अर ऊंका मन अभि तक भि निठुर छा।

गढवली नयो नियम

⁵² ऊंल यीशु की सामर्थ तैं देखि छो, जब वेल पाँच हजार लुखुं तैं खांणु खिलै छो पर रुट्टियुं का बारा मा नि समझी छा किलैकि ऊंका ह्रदय कठोर हवे गै छा।

मरकुस 6:52 ပူးပေါင်းရင်းမြစ်များ

मरकुस 16:14

अर येका बाद जब यीशु का ग्यारा चेला खाणुक खाणु खुणि बैठयां छा, त वे बगत उ ऊंतैं दिखै। तब यीशु न ऊंका निठुर मन अर बिस्वास की कमी की वजै से ऊंतैं झिड़की, किलैकि ज्यून्द होण का बाद जौं लोगु न वेतैं देखि छौ, ऊंकी बातों पर भि यों न यकीन नि कैरी।

मरकुस 3:5

अर ऊंका निठुर पराण तैं देखि के यीशु तैं बड़ु दुख ह्‍वे, अर गुस्सा मा चौतरफि देखि के वेन सुख्यां हाथ वळा मनखि कू बोलि, “अपणु हाथ अगनै बढ़ो।” अर जब वेन अपणु हाथ अगनै बढै, तब वेकू हाथ खूब ह्‍वे गै।

मरकुस 7:18

वेन ऊंकू बोलि, “क्या तुम अभि तक नासमझ छाँ? अर क्या तुमरि बिंगण मा नि औन्दु, कि ज्वा चीज भैर बटि मनखि का भितर जान्दी, वा चीज वेतैं अशुद्ध नि करदी?

लूका 24:25

तब वेन ऊंकू बोलि, “अरे लाटों, अर परमेस्वर का रैबर्यों का द्‍वारा बोलि बातों पर देर से बिस्वास करण वळो,

यूहन्ना 12:40

“वेन ऊंका आंख्यों तैं अन्धु अर मन तैं निठुर कैरियाली, ताकि वु आंख्यों बटि ना देखा अर ना ही मन बटि समझा। अगर ऊंन देखियाली अर समझियालि अर अपणा मन से पस्ताप कैरियाली, त कखि इन ना हो कि मि ऊंतैं खूब कैरी द्‍यूं।”

रोमियों 11:7

तब यां को मतलब क्या निकळि? हालांकि, इस्राएली लोग न पिता परमेस्वर की नजर मा धरमी होण की पूरि कोसिस कैरी, पर फिर भि वु सफल नि ह्‍वे सकिनी मगर जौं लोगु तैं पिता परमेस्वर न चुणी वु वेकी नजर मा धरमी साबित ह्‍वे गैनी। अर दुसरा लोग निठुर ह्‍वे गैनी, अर वेकी बातों तैं मनण से नकारी दिनी।