मरकुस 5:34 - Garhwali

³⁴ तब वेन वींकू बोलि, “बेटी, तिन बिस्वास कैरी इलै तू खूब ह्‍वे गै, अब तू शान्ति से चलि जा, अर अपणी ईं बिमारि से बचि रौ।”

गढवली नयो नियम

³⁴ यीशु ल वीं मा बोलि, “हे नौंनि तेरु भरोसो छो की मि त्वे तैं खूब कैर सकदु, इलै तु पूरा ढंग से खूब हवे गै इलै शान्ति से चलि जा अर अपड़ी ईं बिमारी से बचिं रौ।”

मरकुस 5:34 ပူးပေါင်းရင်းမြစ်များ

मत्ती 9:2

अर सुणा, कुछ लोग एक लकवा का रोगी तैं बिस्तर का फंचा पर रखी के यीशु का पास लैनि। अर ऊं लोगु को बिस्वास देखि के यीशु न वेकू बोलि, “हिम्मत रख बेटा, तेरा पाप माफ ह्‍वे गैनी।”

मत्ती 9:22

अर यीशु न पिछनै मुड़ि के वींतैं देखि अर बोलि, “हे बेटी, हिम्मत रख, किलैकि तिन बिस्वास कैरी, इलै तू खूब ह्‍वे गै।” अर सुणा, वा जनानि वे ही बगत खूब ह्‍वे गै।

मरकुस 10:52

यीशु न वेकू बोलि, “जा, तू खूब ह्‍वे गै, किलैकि तिन मि पर बिस्वास कैरी।” अर उ तुरन्त दिखण लगि गै, अर वे ही बाटा मा यीशु का पिछनै चलण लगि गै।

मरकुस 3:10

किलैकि वेन भौत सा लोगु तैं खूब कैरी छौ, इलै रोगी लोग वेतैं छूण चाणा छा, अर रोगियों की संख्या भौत छै, अर बड़ी धक्‍का-मुक्‍की चलणी छै।

मरकुस 5:29

अर जन्‍नि वींन छ्वी तन्‍नि वींको ल्वे बुगण रुकी गै, अर वा अपणा सरील मा जाणि गै कि मि ठिक ह्‍वे ग्यों।

मरकुस 5:33

अर वा जनानि जाणि गै कि मेरा दगड़ा मा क्या अदभुत काम ह्‍वे, तब वा डौऽरा बानो कौंपदी-कौंपदी यीशु का पास ऐ अर वेका खुटों मा पोड़ि के वेतैं सब कुछ सच्‍च बतै दिनी।

लूका 17:19

तब वेन वेकू बोलि, “खड़ु हो अर जा, तेरा बिस्वास न त्वेतै खूब कैरियाली।”

लूका 18:42

अर यीशु न वेकू बोलि, “दिखण लगि जा, तेरा बिस्वास न त्वेतै खूब कैरियाली।”

लूका 7:50

पर यीशु न वीं जनानि कू बोलि, “तेरा बिस्वास न त्वेतै बचैयालि, अब तू शान्ति से चलि जा।”

लूका 8:48

तब वेन वींकू बोलि, “बेटी, तिन बिस्वास कैरी इलै तू खूब ह्‍वे गै, अब तू शान्ति से चलि जा।”

खास चेलों 14:9

अर ये मनखि न पौलुस का उपदेस की बातों तैं सुणी। अर पौलुस न वे मनखि जनै टक लगै के देखि, अर वेतैं पता चलि गै, कि ये मनखि तैं बिस्वास च, कि मि ठिक ह्‍वे सकदु छौं।

खास चेलों 15:33

अर ऊ कुछ दिनों तक ऊंका इख ही रैनी। अर वेका बाद बिस्वासी लोगु न ऊंतैं अपणा इख बटि शान्ति से विदा कैरी, ताकि चुण्यां मनखि वापिस अपणा भेजण वळा लोगु का पास चलि जा।

खास चेलों 16:36

तब जेलर न यू बात पौलुस तैं बतैनि अर वेन बोलि कि, “अधिकारीयों न तुमतै छुड़णे आज्ञा दिईं च, इलै अब तुम हमरा इख बटि निकळि के शान्ति से अपणा इख चलि जा।”

याकूब 2:16

अर तुम मा बटि कुई ऊंकू बोललु कि, “निस फिकर ह्‍वेके जा अर अच्छा कपड़ा पैरा, अर अच्छु खाणु खा,” पर जु चीज ऊंका सरील खुणि जरुरी छिन वु सब ऊंतैं नि देई त क्या फैदा ह्‍वे?