मरकुस 5:13 - Garhwali

¹³ अर वेन ऊंतैं इजाजत दे दिनी। तब खबेसों की पलटण वे मनखि मा बटि निकळि के सुंगरों मा बैठि गैनी, अर सुंगरों को वु पूरु झुण्ड भौत तेजी से भ्योळ जनै भागी, अर वु सभ्या का सभि मूड़ी झील मा लमडी गैनी अर डुबी के मोरि गैनी। अर ये झुण्ड की संख्या दुई हजार का लगभग छै।

गढवली नयो नियम

¹³ अर वेल ऊं तैं आज्ञा दींनि अर दुष्टात्मा निकली के भैर ऐ गै अर सुंगरु मा बैठी गै अर उ झुण्ड जु कुई द्वी हजार का लगभग रै होलो उ डांडा पर बट्टी झपटी के झील मा पड़ि गै अर डुबि के मोरि गै।

मरकुस 5:13 ပူးပေါင်းရင်းမြစ်များ

मत्ती 7:6

“अर जु चीज पवित्र छिन, ऊंतैं कुकरों तैं नि द्‍या, अर ना ही अपणा मोति सुंगरों का अगनै डाला, कखि इन नि हो की वु ऊंतैं अपणा खुटों का तौळ दबै द्‍या, अर पिछनै मुड़ि के तुमतै फाड़ी द्‍या अर टुकड़ा-टुकड़ा कैरी द्‍या।”

मत्ती 8:32

अर वेन ऊंकू बोलि, “जा,” अर वु खबेस निकळि के सुंगरों मा बैठि गैनी। अर सुंगरों को वु झुण्ड तुरन्त भ्योळ जनै भागी अर उखुन्द लमडी के झील मा पोड़ीनी अर सब सुंगर डुबी के मोरि गैनी।

मरकुस 5:12

इलै खबेसों न यीशु बटि बिन्ती कैरी कि, “हमतै ऊं सुंगरों मा भेज दे, ताकि हम ऊंका भितर चलि जां।”

मरकुस 5:14

अर यू सब देखि के सुंगरों तैं चराण वळा उख बटि भगिनी, अर नगरों अर ग्‍वोंऽ मा जैके ऊंन या पूरि बात लोगु तैं बतै दिनी, तब जु कुछ ह्‍वे छौ वेतैं दिखण खुणि लोग ऐनी।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

दिब्य दरस 20:7

अर जब एक हजार साल पूरा ह्‍वे जाला, तब परमेस्वर शैतान तैं कैद से आजाद कैरी द्‍यालु।

दिब्य दरस 9:11

अर अधलोक को दूत ऊं टिड़ियों को राजा छौ। अर इब्रानी भाषा मा वेको नौ अबद्‍दोन अर यूनानी भाषा मा अपुल्‍लयोन च अर यों दुईयों को मतलब इन च कि “विणास करण वळु।”