मरकुस 4:7 - Garhwali

⁷ “अर ऊं बीजों मा बटि कुछ बीज झिबलांणो मा पोड़ीनी, अर झिबलांण भि वेका दगड़ा मा बढिनि, अर ऊंन ऊंतैं दबै दिनी अर ऊं पर फल नि लगिनी।

गढवली नयो नियम

⁷ अर कुछ झिबलांण मा छिलारेनी अर जख झिबलाड़न ल बढ़ि के ऊं तैं दबै दींनि अर उ बीज फलि नि सकिनि।

मरकुस 4:7 ပူးပေါင်းရင်းမြစ်များ

मत्ती 13:22

अर झिबलांणो मा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणदा त छिन, मगर ईं दुनियां मा जीवन की चिन्ता-फिकर, अर धन-दौलत को लालच वे वचन तैं दबै देन्दिन, इलै वे पर फल नि लगदिन।

मत्ती 13:7

अर कुछ बीज झिबलांणो मा पोड़ीनी, अर झिबलांण भि ऊंका दगड़ा मा बढिनि अर ऊंतैं दबै दिनी।

मत्ती 13:8

मगर कुछ बीज अच्छी जमीन मा पोड़ीनी, अर ऊं पर फल लगिनी कै पर सौ गुणा, कै पर साठ गुणा, अर कै पर तीस गुणा।

मरकुस 4:6

पर जब घाम ऐ त ऊ पौधा झुलसि गैनी, अर जलुड़ा मजबूत नि छा इलै वु सूखि भि गैनी।

मरकुस 4:8

“मगर कुछ बीज अच्छी जमीन मा पोड़ीनी, अर वु उपजण लगि गैनी अर ऊं पर खूब अच्छा फल लगिनी, कै पर तीस गुणा, कै पर साठ गुणा, अर कै पर सौ गुणा।”

लूका 12:15

अर वेन यू भि बोलि, “ध्यान रखा, हरेक किसम का लालच बटि खुद तैं बचै के रखा, किलैकि मनखि का जीवन की कीमत वेका जैजाद बटि नि नपै जै सकदी।”

लूका 21:34

इलै चौकस रा, कखि तुम भि दुनियां का भोग-बिलास मा, दरोळया होण मा, अर जीवन की चिन्ता-फिकर कैरिके अपणा मन तैं यों बातों का भार से दबै नि द्‍या। अर वु दिन एक जाल की तरौं तुम पर अचानक से ऐ जालु।

लूका 8:14

अर जु बीज झिबलांणो मा पोड़ीनी, ऊ वु लोग छिन जौन वचनों तैं सुणी, मगर अगनै चलि के जीवन की चिन्ता-फिकर मा, अर धन-दौलत मा, अर मौज-मस्ती मा फंसी जनदिन, अर ऊ बिस्वास मा मजबूत नि होनदिन।

लूका 8:7

अर कुछ बीज झिबलांणो मा पोड़ीनी, अर झिबलांण भि ऊंका दगड़ा मा बढिनि अर ऊंतैं दबै दिनी।