मरकुस 4:38 - Garhwali

³⁸ मगर यीशु नाव का पिछनै का हिस्सा मा मुण्ड़ तौळ तकिया रखी के सिणु छौ। अर चेलों न वेतैं बिंजाळी के बोलि, “गुरुजी हे गुरुजी, तुमतै त हमरि कुई भि चिन्ता-फिकर नि च, कि हम मुरण वळा छां।”

गढवली नयो नियम

³⁸ अर यीशु अफ पिछनै कि तरपां गद्दी पर सियूं छो, तब ऊंल वे तैं बिजालि के वेमा बोलि “हे गुरु नाव डुबण वली च अर हम ल भि डुबी जांण क्य त्वे तैं कुछ भि चिंता नि च?”

मरकुस 4:38 ပူးပေါင်းရင်းမြစ်များ

मत्ती 22:16

तब ऊंन अपणा चेला-चआँटों तैं राजा हेरोदेस का कुछ खास लोगु का दगड़ा यीशु का पास इन बुलणु कू भेजि, कि वेकू बुलयां, “गुरुजी, हम जणदा छां कि तुम सच्‍चा छाँ, अर सच्‍चै से परमेस्वर का बाटा का बारा मा सिखौन्द्‍यां। अर तुम कै से भि नि डऽरद्‍यां, अर ना ही तुम कै का दगड़ा मा पक्षपात कैरिके बात करद्‍यां।

मत्ती 8:25

तब चेला वेका पास ऐनी अर वेतैं झकोली के बोलि, “हे प्रभु, हमतै बचौ किलैकि हम मुरण वळा छां।”

मरकुस 4:37

अर जब वु झील मा जाणा छा, त एक बड़ी आंधी ऐ। अर पाणि की लैर नाव से इथगा जोर से लगिनी, कि नाव पाणिळ भुरेण लगि गै।

मरकुस 4:39

तब वेन उठी के आंधी तैं झिड़की, अर पाणि की बौछारों कू बोलि, शान्त ह्‍वे जा अर रुकी जा, अर ऊ रुक गैनी अर सब कुछ शान्त ह्‍वे गै।

लूका 8:24

तब ऊ यीशु का पास ऐनी अर वेतैं झकोली के बोलि, “गुरुजी हे गुरुजी, हम मुरण वळा छां।” तब वेन उठी के आंधी अर पाणि की बौछारों तैं झिड़की, अर ऊ रुक गैनी अर सब कुछ शान्त ह्‍वे गै।

यूहन्ना 4:6

अर याकूब को कुआँ भि उखि छौ। वे बगत दिन-दुफरि की करीब बारह बजणी छै। इलै यीशु सफर मा हिटण की वजै से थक्यूं छौ, अर उ वे कुआँ का समणि बैठि गै।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।

1 पतरस 5:7

अर अपणी सब चिन्ता-फिकर वे पर छोड़ि द्‍या, किलैकि वेतैं तुमरि चिन्ता च।