मरकुस 3:23 - Garhwali

²³ अर यीशु न ऊंतैं अपणा पास बुलै के बोलि, “शैतान खुद ही शैतान तैं कनकै निकाळि सकदु।”

गढवली नयो नियम

²³ अर यीशु उ सभि लुखुं तैं अपड़ा संमणी बुलै के ऊंमा मिसाल दे के बुल्ण लगि गै कि क्य शैतान अपड़ा ही दुष्टात्मा तैं लुखुं मा बट्टी भैर निकलणु कु मजबूर कैर सकद?

मरकुस 3:23 ပူးပေါင်းရင်းမြစ်များ

मत्ती 13:3

अर वेन ऊं लोगु तैं भौत सा उदारण देके अपणी भौत सि बात बतैनि। अर वेन ऊंकू इन भि बोलि कि, “एक बार एक किसान बीज बुतण कू गै।

मत्ती 13:34

अर यू सब बात यीशु न उदारण दे देके लोगु तैं बतैनि, अर बगैर उदारण दियां वु लोगु बटि कुछ भि बात नि करदु छौ।

मत्ती 4:10

तब यीशु न वेकी बात तैं नकारी के बोलि, “शैतान मेरा पास बटि दूर ह्‍वे जा, किलैकि पवित्रशास्‍त्र मा लिख्यूं च कि, ‘तू केवल अपणा प्रभु परमेस्वर की ही पूजा कैर, अर बस वेकी ही सेवा कैर।’”

मरकुस 12:1

फिर यीशु यहूदियों का मुख्य लोगु का दगड़ा मा उदारण देके बात करण लगि गै। अर वेन बोलि कि, “एक मनखि न अंगूरों को एक बगिचा बणै, अर वेका चौतरफि बाड़ कैरी, अर रस जमा करणु खुणि खडलु बणै, अर बगिचे मा पैरा देणु खुणि एक जगा भि तयार कैरी। अर बगिचा को ठेक्‍का किसानों तैं देके खुद वु मनखि कै दुसरा देस कू चलि गै।

मरकुस 3:24

तब वेन ऊंतैं एक उदारण देके समझै, “सुणा, अगर कै राज्य का दुई हिस्सा ह्‍वे जा, त उ राज्य बरबाद ह्‍वे जान्दु।

मरकुस 4:11

अर वेन ऊंतैं जबाब दिनी, “तुमतै त परमेस्वर का राज का भेदों तैं समझण को दान दियूं च, पर दुसरा लोगु तैं मितैं उदारण मा बतौण पोड़दु,

मरकुस 4:2

अर वेन ऊं लोगु तैं भौत उदारण देके ऊंतैं भौत सि बात सिखैनी।