मरकुस 3:20 - Garhwali

²⁰ अर जब यीशु अर वेका चेला एक घौर मा ऐनी, त उख एक भौत बड़ी भीड़ इकट्‍ठा ह्‍वे गै, इख तक कि वु रुट्‍टी भि नि खै सकिनी।

गढवली नयो नियम

²⁰ यीशु जब कैका घौर मा छो अर इन भीड़ कठ्ठा हवे गै छै कि वे तैं रुट्टि खांणो कु भि बगत नि मिली।

मरकुस 3:20 ပူးပေါင်းရင်းမြစ်များ

मरकुस 1:45

पर उख बटि निकळदि ही वे मनखि न ईं बात को परचार करण शुरु कैर दिनी। अर वेन या बात इथगा फैलै दिनी, कि यीशु को नगर मा खुलाआम जाण मुस्किल ह्‍वे गै, इलै यीशु नगर का भैर निर्जन जगों मा रै, मगर फिर भि लोग अलग-अलग जगों बटि वेका पास औणा छा।

मरकुस 2:1

अर कुछ दिन का बाद यीशु फिर से कफरनहूम नगर मा ऐ, अर या खबर फैली गै कि यीशु घौर अयूं च।

मरकुस 3:19

अर यहूदा इस्करियोती जैन बाद मा यीशु तैं धोखा देके पकड़वै दिनी।

मरकुस 3:7

अर यीशु अपणा चेलों का दगड़ा झील का छाला पर चलि गै, अर गलील मुलक बटि एक बड़ी भीड़ वेका पिछनै चलण लगि गै।

मरकुस 3:9

तब भीड़ की वजै से यीशु न अपणा चेलों कू बोलि, “मि खुणि एक छुटी नाव तयार रखा, ताकि भीड़ की वजै से कखि मि दबी नि जौं।”

मरकुस 6:31

तब यीशु न ऊंकू बोलि, “मेरा दगड़ा मा एक शान्त जगा कू चला, अर थुड़ी देर आराम करिल्या।” अर यीशु न इन इलै बोलि, किलैकि भौत सा लोग ऊंका पास औणा-जाणा छा, अर ऊंतैं खाणु-खाण को भि बगत नि मिलणु छौ।

मरकुस 7:17

जब यीशु भीड़ मा बटि निकळि के एक घौर मा गै, त वेका चेलों न वेसे ये उदारण का बारा मा पूछी।

मरकुस 9:28

अर जब यीशु अर वेका चेला एक घौर मा पौंछिनी, त ऊंन अकेला मा वेसे पूछी, “गुरुजी, हमुन वे खबेस तैं किलै नि निकळि सैकी।”

लूका 6:17

तब यीशु ऊं चेलों का दगड़ा मा पाड़ बटि उतरि के एक सैंणि जगा मा खड़ु ह्‍वे। अर वेका पिछनै चलण वळो की एक बड़ी भीड़ उख जमा होईं छै। अर सरा यहूदिया मुलक, यरूशलेम नगर, अर समुन्दर का छाला पर रौण वळा सूर अर सैदा नगरों का भौत सा लोग भि उख जमा होयां छा। अर वु वेका वचनों तैं सुनणु कू अर अपणी बिमारियों मा बटि खूब होणु कू वेका पास अयां छा।