मरकुस 3:10 - Garhwali

¹⁰ किलैकि वेन भौत सा लोगु तैं खूब कैरी छौ, इलै रोगी लोग वेतैं छूण चाणा छा, अर रोगियों की संख्या भौत छै, अर बड़ी धक्‍का-मुक्‍की चलणी छै।

गढवली नयो नियम

¹⁰ किलैकि यीशु ल वे दिन भौतों तैं खूब कैरी इलै जथग लोग रोगों मा पुड़यां छा उ वे तैं छूणु कु वे पर गिरदा पड़दा छा।

मरकुस 3:10 ပူးပေါင်းရင်းမြစ်များ

मत्ती 12:15

अर यीशु यू जाणि गै, अर उख बटि चलि गै। अर भौत सा लोग वेका पिछनै चलण लगि गैनी, अर वेन सब बिमार लोगु तैं खूब कैरी,

मत्ती 14:14

अर जब यीशु छाला पर पौंछी त वेन एक बड़ी भीड़ देखि अर वेतैं ऊं पर बड़ु तरस ऐ, तब वेन ऊं लोगु का बीच मा जु बिमार छा ऊंतैं खूब कैरी।

मत्ती 14:36

अर ऊ लोग यीशु से बिन्ती करण लगि गैनी कि, “गुरुजी, कम से कम हमतै अपणा कपड़ा का झालरों तैं ही छूण द्‍या।” अर जथगा भि लोग वेतैं छून्दा छा, ऊ सभ्या का सभि खूब ह्‍वे जान्दा छा।

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मरकुस 5:34

तब वेन वींकू बोलि, “बेटी, तिन बिस्वास कैरी इलै तू खूब ह्‍वे गै, अब तू शान्ति से चलि जा, अर अपणी ईं बिमारि से बचि रौ।”

मरकुस 6:56

अर जौं-जौं नगरों, अर ग्‍वोंऽ या बस्तियों मा यीशु जान्दु छौ, उख-उख लोग बिमारों तैं खुलि जगों मा रखी देन्दा छा, अर वेसे बिन्ती करदा छा कि यीशु ऊंतैं अपणा कपड़ा का झालरों तैं ही छूण द्‍यो। अर जथगा भि लोग वेतैं छून्दा छा, ऊ सभ्या का सभि खूब ह्‍वे जान्दा छा।

मरकुस 8:22

अर जब यीशु अर वेका चेला बैतसैदा नगर मा ऐनी, त कुछ लोग एक अन्धा मनखि तैं वेका पास लेके ऐनी अर वेसे बिन्ती कैरी कि वेतैं छ्वी द्‍या।

लूका 5:3

अर ऊंमा बटि एक शमौन की नाव छै। अर यीशु वींमा चैड़ि गै अर वेकू बोलि, “नाव तैं किनरा बटि हटै के जरा सि अगनै लि जा।” तब यीशु नाव पर बैठि के लोगु तैं उपदेस देण लगि गै।

लूका 6:19

अर भीड़ का सब लोग यीशु तैं छूण चाणा छा, किलैकि वेमा बटि शक्‍ति निकळि के सभ्यों तैं खूब कनि छै।

लूका 7:2

अर उख नगर मा एक रोमी सैनिको को सुबेदार छौ। अर ये सुबेदार को एक नौकर छौ, जै बटि उ भौत प्यार करदु छौ। अर उ नौकर भौत बिमार होयुं छौ अर मुरण वळु छौ।

लूका 7:21

अर वे ही बगत यीशु न भौत लोगु तैं ऊंकी बिमारियों मा बटि, अर पीड़ाओं बटि खूब कैरी, अर खबेस लग्यां मनखियों तैं छुटकारु देई, अर भौत सा अन्धों का आंखा भि खूब करिनी।

खास चेलों 5:15

इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्‍वे जौ।

इब्रानी 12:6

किलैकि प्रभु जै से प्यार करदु वेतैं अनुसासन मा लेके औन्दु, अर जैतैं वु अपणु नौनु बणौन्दु वेतैं वु दण्ड भि देन्दु।”