मरकुस 2:20 - Garhwali

²⁰ मगर वु दिन आला, जब कि ब्यौला ऊंका बीच मा बटि अलग किये जालु, वे बगत ऊ उपवास रखला।

गढवली नयो नियम

²⁰ पर हां उ दिन आला कि ब्योला ऊंका बीच बट्टी अलग करे जालो त वे बगत उ उपवास रखला।

मरकुस 2:20 ပူးပေါင်းရင်းမြစ်များ

मत्ती 26:31

तब यीशु न अपणा चेलों कू बोलि, “आज राति तुम मितैं छोड़ि के चलि जैल्या, किलैकि पवित्रशास्‍त्र मा लिख्यूं च कि, “‘मि चरवाह तैं मरलु, अर झुण्ड की भेड़ तितर-बितर ह्‍वे जालि।’

मत्ती 9:15

तब यीशु न ऊंतैं जबाब देई, “जबरि तक ब्यौला बरातियों का दगड़ा मा च, क्या बराति शोक कैरी सकदिन? मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

मरकुस 2:19

तब यीशु न ऊंतैं जबाब दिनी, “जबरि तक ब्यौला बरातियों का दगड़ा मा च, क्या बराति लोग उपवास रखदिन? इलै जब तक ब्यौला ऊंका दगड़ा मा च, तब तक वु लोग उपवास नि रखी सकदिन।

मरकुस 2:21

“कुई भि मनखि नया कपड़ा मा बटि फाड़ी के पुरणा कपड़ा मा टल्‍ला नि लगौन्द, अर अगर लगालु, त नया कपड़ा को टल्‍ला सिकुड़ी जालु अर वे पुरणा कपड़ा पर पैलि से और भि जादा बड़ु छेद ह्‍वे जालु।

लूका 17:22

तब वेन चेलों कू बोलि कि, “वु बगत आलु, जब तुम मनखि का पुत्र का दिनों मा बटि एक दिन तैं दिखणु कू तरसिल्या पर देखि नि सकिल्या।

लूका 5:35

मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

यूहन्ना 12:8

किलैकि गरीब लोग त हमेसा तुमरा दगड़ा मा छिन, पर मिन हमेसा तुमरा दगड़ा मा नि रौण।”

यूहन्ना 13:33

“मेरा बच्‍चों, अब मि तुमरा दगड़ा मा कुछ ही देर तक छौं। फिर तुम मितैं खुजैल्या, अर जन मिन यहूदियों कू बोलि, उन्‍नि मि अब तुमकु भि बोन्‍नु छौं, कि जख मि जाणु छौं, उख तुम नि ऐ सकद्‍यां।

यूहन्ना 16:28

हाँ, मि पिता परमेस्वर की तरफा बटि इख अयूं छौं, अर अब ईं दुनियां तैं छोड़ि के पिता मा जाणु छौं।”

यूहन्ना 16:7

फिर भि मि तुम मा सच्‍चि बोन्‍नु छौं, कि मेरु जाण तुम खुणि फैदे की ही बात च। किलैकि अगर जु मि नि जौलु, त वे मददगार न तुम मा नि औण, पर जब मि जौलु, त वेतैं तुम मा भेजलु।

यूहन्ना 17:11

अर अब मिन ईं दुनियां मा नि रौण, किलैकि मि तुमरा पास औणु छौं, पर ऊंन त ईं दुनियां मा ही रौण। हे मेरा पवित्र पिता, अपणु नौ, जु तुमुन मितैं दियूं च वे ही नौ की शक्‍ति से यों की हिफाजत कैरा, ताकि जन हम दुईया का दुई एक छां, ठिक उन्‍नि ऊ भि एक ह्‍वे जा।

यूहन्ना 17:13

“हे मेरा पिता, अब मि तेरा पास औणु छौं अर दुनियां मा रौन्द ही मि यों बातों तैं बोन्‍नु छौं। ताकि जन खुशी मितैं होणी च, उन्‍नि ऊंतैं भि भौत खुशी हो।

यूहन्ना 3:29

अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

खास चेलों 1:9

अर जब यीशु न या बात बोलि दिनी, त उ खास चेलों का दिखदी-दिखदी मथि स्वर्ग मा उठये गै, अर जब उ जाणु छौ, त एक बादळ न वेतैं ऊंका आंख्यों बटि लुके दिनी, वेका चेला वेतैं टक लगै के दिखणा छा। अर देखा, उबरि सफेद कपड़ा पैरयां दुई आदिम चेलों का समणि ऐके खड़ा ह्‍वेनि।

खास चेलों 14:23

अर ऊंन हरेक बिस्वासी समुदाय मा जैके ऊं लोगु खुणि अध्यक्ष चुणी के ठैरैनी, अर उपवास अर प्रार्थना कैरिके ऊं अध्यक्ष तैं प्रभु का हाथों मा सौंपी दिनी, जै पर ऊंन बिस्वास कैरी छौ।

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

1 कुरिन्थि 7:5

अर ये हक तैं पूरु करणु खुणि तुम दुईया का दुई एक-दुसरा से अलग नि रा, अगर जु तुम अलग होणा छाँ त प्रार्थना खातिर इन कैरा, पर यां मा भि तुम दुईयों की रजामंदी होण चयेणी। अर वेका बाद फिर से एक ह्‍वे जा, ताकि शैतान तुमरा सबर रखण की वजै से कखि तुमतै भकलै नि द्‍यो।

2 कुरिन्थि 11:2

अर मितैं तुमरि बड़ी परवा च, ठिक उन्‍नि परवा जन पिता परमेस्वर तैं तुमरि च। अर अब तुम एक कुंवारी नौनि का जन छाँ, जिं की मांगण मिन पवित्र यीशु मसीह का दगड़ा मा करीं च।

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

दिब्य दरस 19:7

इलै आ, हम खुशी अर आनन्द मणौन्द्‍यां, अर परमेस्वर की बडै करद्‍यां, किलैकि मेम्‍ना का ब्यौ को बगत ऐ गै, अर वेकी ब्यौलि न खुद तैं तयार कैरियाली।

दिब्य दरस 21:9

फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”