मरकुस 2:2 - Garhwali

² तब उख इथगा लोग इकट्‍ठा ह्‍वे गैनी, कि द्‍वार पर भि जगा नि रै।

गढवली नयो नियम

² फिर उख भौत सारा लोग कठ्ठा हवेनि, कि फाटक का संमणी लुखुं त जगह भि नि मिली किलैकि उ, ऊं तैं परमेश्वर कु वचन सुनांणु छो।

मरकुस 2:2 ပူးပေါင်းရင်းမြစ်များ

मत्ती 5:2

तब उ ऊंतैं उपदेस देके बोन्‍न लगि गै कि:

मरकुस 1:14

अर जब यूहन्‍ना बपतिस्मा देण वळा तैं पकड़ी के जेलखाना मा डळै गै छौ, त यीशु गलील मुलक मा परमेस्वर का राज को शुभ समाचार सुणौन्द-सुणौन्द ऐ।

मरकुस 1:33

अर पूरा नगर का लोग ऊंका द्‍वार पर इकट्‍ठा ह्‍वे गैनी।

मरकुस 1:37

अर जब यीशु ऊंतैं मिली त ऊंन वेकू बोलि, “गुरुजी, सब लोग तुमतै खुज्याणा छिन।”

मरकुस 1:45

पर उख बटि निकळदि ही वे मनखि न ईं बात को परचार करण शुरु कैर दिनी। अर वेन या बात इथगा फैलै दिनी, कि यीशु को नगर मा खुलाआम जाण मुस्किल ह्‍वे गै, इलै यीशु नगर का भैर निर्जन जगों मा रै, मगर फिर भि लोग अलग-अलग जगों बटि वेका पास औणा छा।

मरकुस 2:1

अर कुछ दिन का बाद यीशु फिर से कफरनहूम नगर मा ऐ, अर या खबर फैली गै कि यीशु घौर अयूं च।

मरकुस 2:13

अर उख बटि निकळि के यीशु झील का छाला पर चलि गै, अर एक बड़ी भीड़ वेका पास ऐ, अर उ ऊंतैं सिखौण लगि गै।

मरकुस 6:34

अर जब यीशु छाला पर पौंछी त वेन एक बड़ी भीड़ देखि, अर वेतैं ऊं पर बड़ु तरस ऐ, अर वु त ऊं भेड़ों का जन छा जौं को कुई सैं गुसैं नि होन्दु। अर तब यीशु ऊंतैं भौत सि बात सिखौण लगि गै।

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

लूका 5:17

अर एक दिन इन ह्‍वे कि यीशु लोगु तैं उपदेस देणु छौ। अर उख फरीसी दल का कुछ लोग अर नियम-कानूनों तैं सिखौण वळा कुछ लोग बैठयां छा। ऊ गलील अर यहूदिया मुलकों का हरेक गौं बटि, अर यरूशलेम नगर बटि अयां छा। अर लोगु तैं खूब करणु खुणि प्रभु की शक्‍ति यीशु का दगड़ा मा छै।

लूका 8:1

अर येका बाद यीशु परमेस्वर का राज को शुभ समाचार लोगु तैं सुणौन्द-सुणौन्द, नगर-नगर अर गौं-गौं मा घूमणु रै। अर वेका बारह चेला भि वेका दगड़ा मा छा।

लूका 8:11

अर यीशु न ऊंकू बोलि, “ये उदारण को मतलब च, कि बीज त परमेस्वर को वचन च।

खास चेलों 11:19

अर स्तिफनुस की मौत का बाद बटि जु सतौ बिस्वासी समुदाय का लोगु पर ऊं दिनों मा किये जाणु छौ, वां की वजै से बिस्वासी लोग तितर-बितर ह्‍वे गै छा। अर वु सब लोग साइप्रस टापू मा, फीनीके मुलक मा इख तक की अन्ताकिया नगर तक चलि गैनी, अर ऊंन केवल यहूदी लोगु तैं ही वचन सुणै।

खास चेलों 14:25

अर येका बाद पिरगा नगर मा ऊंन प्रभु को वचन सुणै अर उख बटि अत्तलिया नगर कू ऐ गैनी।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 8:25

अर जब पतरस अर यूहन्‍ना न सामरिया मुलक का ये क्षेत्र मा गवै सुनौण को अर परचार करण को काम पूरु कैरी दिनी, तब ऊ उख बटि यरूशलेम नगर कू वापिस जाण लगि गैनी। अर सफर मा वापिस जान्द दौं सामरिया मुलक का जथगा भि और गौं ऐनी, उख-उख ऊंन प्रभु को शुभ समाचार सुणै।

रोमियों 10:8

मगर पवित्रशास्‍त्र मा इन भि लिख्यूं च कि, “वचन तेरा पास च, तेरा गिच्‍चा मा अर तेरा दिल मा भि।” अर यू बिस्वास को वु वचन च, जैको परचार हम करद्‍यां।