मरकुस 16:1 - Garhwali

¹ अर जब सब्त को दिन खतम ह्‍वे गै, त मगदला गौं की मरियम अर याकूब की माँ मरियम, अर सलोमी न खुशबुदार चीजों तैं खरीदी, ताकि जैके यीशु की लांश पर लगौ।

गढवली नयो नियम

¹ हैंका दिन शाम बगत जब यहूदियों का विश्राम का दिन जु परमेश्वर कु पवित्र दिन च अर जु त्योहार कु दिन छो बीति गै त मरियम जु मगदल गौं की छै अर याकूब कि ब्वे मरियम अर सलोमी यूं सभियूं ल खुशबूदार तेल मोल लींनि अर यहूदियों की रीति का अनुसार कि ऐ के यीशु कि लांश पर लगौन।

मरकुस 16:1 ပူးပေါင်းရင်းမြစ်များ

मरकुस 14:3

अर ऊं ही दिनों मा यीशु बैतनिय्याह गौं मा शमौन नौ का एक मनखि का घौर खाणुक खाणु कू बैठयूं छौ, जु कि पैलि कोड़ी छौ। अर वे ही बगत एक जनानि संगमरमर की बोतल मा शुद्ध इतर लेके ऐ, जु कि बड़ु कीमती अर खुशबुदार छौ, अर जटामांसी पौद को बणयूं छौ। अर वींन बोतल का मुख तैं तोड़ि, अर यीशु का मुण्ड़ मा अखणै दिनी।

मरकुस 14:8

अर जु कुछ वीं से ह्‍वे सकदु छौ वींन वु काम कैरी, अर मेरा सरील तैं कबरुन्द रखण की तयारी मा वींन यू खुशबुदार इतर लगै।

मरकुस 15:40

अर कुछ जनानियां भि दूर बटि यू सब होन्द दिखणी छै, ऊं जनानियों मा बटि एक मगदला गौं की मरियम, अर छुटो याकूब अर योसेस की माँ मरियम, अर सलोमी छै।

मरकुस 15:42

अर रुमुक ह्‍वे छै, अर सब्त का दिन की तयारी भि करण छै किलैकि दुसरो दिन सब्त को दिन छौ।

मरकुस 15:47

अर यीशु की लांश कख रखै जाणि च, इन होन्द मगदला गौं की मरियम अर योसेस की माँ मरियम न देखि।

मरकुस 16:2

अर हप्‍ता का पैला दिन याने कि इतवार की सुबेर जब घाम औणु ही छौ, त ऊ कबर जनै गैनी।

मरकुस 16:8

तब वु जनानियां कबर बटि भैर ऐनी अर उख भागी के चलि गैनी, ऊ भौत हकदक अर कौंपणी छै, अर ऊंन या बात कैतैं नि बतै, किलैकि ऊ भौत डऽरयां छा। [

लूका 23:54

अर सब्त को बगत शुरु होण वळु छौ, अर यू बगत सब्त की तयारी को छौ।

लूका 23:56

किलैकि ऊंतैं तयारी करण छै, इलै ऊंन वापिस लौटी के खुशबुदार चीजों अर खुशबुदार इतर तैं तयार कैरी। अर मूसा का दियां नियम-कानूनों की आज्ञा का मुताबिक ऊंन सब्त का दिन पर आराम कैरी।

लूका 24:1

पर हप्‍ता का पैला दिन याने कि रात खुलण से पैलि वु जनानियां खुशबुदार चीजों तैं अपणा दगड़ा मा कबर पर लेके ऐनी, जौं की तयारी ऊंन पैलि बटि कैरिके रखी छै। अर यू वु जनानियां छै, जु यीशु की मौत का बगत उख छै।

यूहन्ना 19:25

अर वे बगत यीशु का क्रूस का नजदीक वेकी माँ, वेकी मौसि, अर क्लोपास की घरवळी मरियम अर मगदला गौं की मरियम खड़ि होईं छै।

यूहन्ना 19:31

अर उ यहूदियों को सब्त की तयारी को दिन छौ। अर सब्त का दिन लांश क्रूस पर नि रौ, इलै यहूदी लोगु न पिलातुस बटि बिन्ती कैरी कि, “ऊंका टंगड़ा तोड़ि द्‍या, अर जब ऊ मोरि जा, तब ऊंतैं उतारि द्‍या।” किलैकि उ सब्त को दिन एक खास सब्त को दिन छौ।