मरकुस 15:21 - Garhwali

²¹ अर वे ही बाटा पर शमौन नौ को एक मनखि कै गौं बटि औणु छौ। अर उ कुरेन नगर को रौण वळु छौ, अर सिकन्दर अर रूफुस येका ही नौना छा। तब सिपयों न वेतैं मजबूर कैरी, कि उ यीशु की क्रूस तैं उठे के लि जौ।

गढवली नयो नियम

²¹ जब उ शहर बट्टी भैर जांणा छा, तब शमौन नौं कु एक कुरेनि जु कै गौं बट्टी यरूशलेम शहर मा औंणु छो, सिकन्दर अर रुफुस कु बुबा छो अर उख बट्टी जांणु छो सैनिको ल वे तैं सूली उठै के वीं जगह पर लिजांणु कु जख यीशु तैं सूली पर चड़ौण छो लिजांण की आज्ञा दींनि।

मरकुस 15:21 ပူးပေါင်းရင်းမြစ်များ

मत्ती 27:32

जब रोमी सिपै यीशु तैं लि जाणा छा। तब सिपयों न कुरेन नगर का रौण वळा शमौन तैं पकड़ी, अर वेतैं मजबूर कैरी कि उ यीशु की क्रूस तैं उठे के लि जौ।

मत्ती 5:41

अर अगर कुई त्वेतै अफ दगड़ा जबरदस्ती एक मील लेके जौ, त तू वेका दगड़ा मा दुई मील चलि जा।

मरकुस 15:20

अर जब ऊंन यीशु को खूब मजाक उड़ै दिनी, तब ऊंन उ बैंगनि कपड़ा उतारि अर फिर वेका कपड़ा वेतैं पेनै दिनी। तब वु यीशु तैं क्रूस पर चड़ौणु खुणि उख बटि भैर लि गैनी।

लूका 14:27

अर जु कुई अपणी क्रूस तैं बिन बिज्यां मेरा पिछनै चलदु उ भि मेरु चेला नि ह्‍वे सकदु।

लूका 23:26

जब रोमी सिपै यीशु तैं लि जाणा छा। तब सिपयों न कुरेन का रौण वळा शमौन तैं जु की गौं बटि नगर कू औणु छौ पकड़ी, अर ऊंन वा क्रूस वेमा लादि दिनी, ताकि उ वेतैं यीशु का पिछनै-पिछनै लि जौ।

यूहन्ना 19:17

तब ऊ यीशु तैं लेके चलि गैनी। अर यीशु खुद अपणी क्रूस तैं उठे के एक जगा मा गै। अर वीं जगा को नौ “खोपड़ि की जगा” छौ, जैकू इब्रानी भाषा मा गुलगुता बुल्दिन।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 13:1

अन्ताकिया नगर का बिस्वासी समुदाय मा कुछ रैबर्या अर उपदेस देण वळा लोग छा, जन कि बरनबास, शमौन जैकू नीगर भि बुल्दिन, अर कुरेन नगर को लूकियुस, अर मनाहेम जैको पालन-पोसण राजा हेरोदेस अग्रिप्पा का दगड़ा मा ह्‍वे। अर मनाहेम वेको खास दगड़्या छौ, अर शाऊल भि ऊंका दगड़ा मा उखि छौ।

खास चेलों 2:10

अर कुछ लोग त फ्रूगिया अर पंफूलिया मुलक का छिन, अर कुछ त मिस्र मुलक बटि अयां। अर कुरेने नगर का आस-पास का लीबिया मुलक बटि भि, इख तक कि रोम नगर बटि भि अयां मुसाफिरों तैं भि अपणी-अपणी भाषा सुन्यौणी च, अर जु लोग पैलि बटि यहूदी छिन अर वु जौन यहूदी धरम तैं स्वीकार कैरियाली हम सभ्यों तैं भि अपणी-अपणी भाषा सुन्यौणी च।

खास चेलों 6:9

मगर उख एक प्रार्थना भवन छौ जैमा वु लोग औन्दा छा जु की गुलामी से आजाद होयां छा। तब यों लोगु का बीच मा बटि कुरेनी, सिकन्दरिया अर किलिकिया अर आसिया मुलकों का कुछ लोग स्तिफनुस का दगड़ा मा वाद-विवाद करणु खुणि खड़ा ह्‍वेनि। अर वाद-विवाद करण लगि गैनी,

रोमियों 16:13

अर प्रभु का खास मनखि रूफुस भै, अर वेकी माँ ज्वा की मि खुणि भि एक माँ कि तरौं ही च, ऊं दुईयों तैं भि मेरु सलाम बुलयां।