मरकुस 13:13 - Garhwali

¹³ अर मेरा नौ का खातिर सब लोग तुम बटि नफरत करला, पर जु आखिरी तक सबर रखलु वेतैं ही बचयै जालु।

गढवली नयो नियम

¹³ अर मेरा चेला हूंणा का खातिर सभि लुखुं ल तुम बट्टी दुश्मनी कन पर जु आखिर तक जु धीरज रखि के मि पर विश्वास रखलो वे तैं ही परमेश्वर उद्धार दयालो।

मरकुस 13:13 ပူးပေါင်းရင်းမြစ်များ

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

मत्ती 24:13

पर जु कुई आखिरी तक बिस्वास मा टिक्यूं रालु, वेतैं ही बचयै जालु।

मत्ती 24:9

अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

मरकुस 13:12

अर भै अपणा ही भै तैं मरणु खुणि पकड़वै द्‍याला, अर ठिक उन्‍नि बुबा भि अपणा नौना तैं मरणु खुणि पकड़वै द्‍याला, अर बच्‍चा अपणा ब्वे-बाब का खिलाप मा ह्‍वेके ऊंतैं मरवै द्‍याला।

लूका 21:17

अर सब लोग तुम बटि नफरत करला, किलैकि तुम मेरा छाँ।

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

यूहन्ना 15:21

अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

गलातियों 6:9

इलै हमतै भलै का काम करण मा पिछनै नि हटण चयेणु, किलैकि अगर जु हम सभ्यों का दगड़ा मा भलै कना रौला, त ठिक बगत पर लवै करुला।

इब्रानी 10:39

हे मेरा दगड़्यों, हम पिछनै हटि के नास होण वळा लोगु मा बटि नि छां। इलै जबरि तक हमतै पूरि तरौं से बचयै नि जौ तब तक हम बिस्वास मा बणयां रौला।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

1 यूहन्ना 3:13

हे मेरा भै-बैंणो, अगर दुनियां का लोग तुम से नफरत करदिन, त ईं बात पर तुम ताजुब नि कैरा।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।