मरकुस 12:44 - Garhwali

⁴⁴ किलैकि सभ्यों न त अपणी भरपूरी मा बटि डालि, मगर अपणु गुजर-बसर करणु खुणि जु कुछ भि ईं विधवा का पास छौ, वींन अपणी गरीबी मा बटि वु सब कुछ डालियेली।”

गढवली नयो नियम

⁴⁴ किलैकि सभियूं ल जु धनवान छा अपड़ा धन कि बढ़ती मा बट्टी जु कै कम डाली पर वीं ल अपड़ी घटति मा बट्टी जु कुछ वीं मा छो जै तैं व अपड़ा जरूरत कु इस्तेमाल कैरी सकदी छै डाली दींनि।

मरकुस 12:44 ပူးပေါင်းရင်းမြစ်များ

मरकुस 12:43

तब यीशु न अपणा चेलों तैं अपणा पास बुलै के बोलि, “मि तुम बटि सच्‍चि बोन्‍नु छौं कि जु दान लोग दान-पेटि मा डलणा छिन, ऊंमा बटि सबसे जादा डलण वळी या विधवा च।

मरकुस 14:8

अर जु कुछ वीं से ह्‍वे सकदु छौ वींन वु काम कैरी, अर मेरा सरील तैं कबरुन्द रखण की तयारी मा वींन यू खुशबुदार इतर लगै।

लूका 15:12

अर ऊंमा बटि छुटा नौन न बुबा कू बोलि, ‘पापा, जैजाद मा बटि जु हिस्सा मेरु च, उ तुम मितैं दे द्‍या।’ अर पिता न जैजाद बांटि दिनी।

लूका 15:30

पर जन्‍नि तुमरो यू नौनु ऐ, त तुमुन वे खुणि बड़िया बखरु कटवै, जैन तुमरि जैजाद तैं वेश्याओं का पिछनै उड़ै दिनी।’

लूका 8:43

अर उख भीड़ मा एक जनानि छै, जींतैं बारह सालों बटि ल्वे बुगणो को रोग छौ। अर ये इलाज का बाना वींन अपणा जीवन की पूरि कमै बैदों पर खर्च कैरी दिनी, पर कैन भि वींतैं खूब नि कैरी सैकी।

1 यूहन्ना 3:17

अगर कै मा गुजर-बसर करणु खुणि सब कुछ च। अर उ इन देखो कि कै दुसरो भै या बैंण मा कुछ कमी च, अर वेका बाद भि उ दया नि कैरो, त ईं बात तैं जाणि ल्या कि इन्द्रया मनखि मा परमेस्वर को प्यार नि च।