मरकुस 10:40 - Garhwali

⁴⁰ पर मेरा दैं अर बैं तरफा बैठाण को काम मेरु नि च, पर या जगा ऊं खुणि च जौं खुणि तयार किये गै।”

गढवली नयो नियम

⁴⁰ पर जौं कु तैयार करयूं च ऊं छोड़ी के और कै तैं अपड़ा दैंणा अर अपड़ा बैं तरपां बिठांण मेरू काम नि च।

मरकुस 10:40 ပူးပေါင်းရင်းမြစ်များ

मत्ती 13:11

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण को ज्ञान दियूं च, मगर ऊं लोगु तैं ना।

मत्ती 20:23

वेन ऊंकू बोलि, “तुम वे दुख तैं जरुर झिलिल्या, पर मेरा दैं अर बैं तरफा बैठाण को हक मि मा नि च। या जगा त ऊं लोगु खुणि च जौं खुणि मेरा पिता परमेस्वर न तयार कैरिके रखी च।”

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

खास चेलों 1:7

तब वेन ऊंकू बोलि, “वे बगत अर वे समौ का बारा मा जनण तुमरो काम नि च, किलैकि वु सब कुछ पिता न अपणा अधिकार मा रख्युं च।

इब्रानी 11:16

मगर अब वु एक इन जगा पौण की आस रखदिन, जैको नातु स्वर्ग से च इलै परमेस्वर भि ऊंको परमेस्वर होण मा सरम मैसूस नि करदु, किलैकि वेन ऊं खुणि एक नगर तयार कैरिके रख्युं च, अर उ नगर स्वर्ग मा च।