मरकुस 10:22 - Garhwali

²² पर ईं बात तैं सुणी के वु मनखि भौत उदास ह्‍वे। अर बड़ु दुखी ह्‍वेके उख बटि चलि गै, किलैकि वेका पास भौत जादा जैजाद छै।

गढवली नयो नियम

²² जब वेला यीशु की ई बात तैं सूंणि त वेका मुक पर उदासी छै गै अर उ दुखी हवे के चलि गै किलैकि उ भौत सेठ छो।

मरकुस 10:22 ပူးပေါင်းရင်းမြစ်များ

मत्ती 13:22

अर झिबलांणो मा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणदा त छिन, मगर ईं दुनियां मा जीवन की चिन्ता-फिकर, अर धन-दौलत को लालच वे वचन तैं दबै देन्दिन, इलै वे पर फल नि लगदिन।

मत्ती 19:22

पर ईं बात तैं सुणी के वु ज्वान मनखि भौत उदास ह्‍वेके उख बटि चलि गै, किलैकि उ भौत बड़ु सेठ छौ।

मत्ती 27:3

अर यीशु तैं धोखा से पकड़वौण वळा यहूदा इस्करियोती न जब इन सुणी, कि न्याय करण वळो न वेतैं मौत की सजा सुणैयालि, त उ भौत पछतै, इलै उ मुख्य पुरोहितों अर अध्यक्ष लोगु का पास चांदी का ऊं तीस सिक्‍कों तैं लेके गै।

मरकुस 10:21

अर यीशु न वे जनै देखि अर वेका मन मा वे मनखि खुणि भौत प्यार ऐ। अर वेन वेकू बोलि, “त्वेमा अभि भि एक बात की कमी च, इन कैर कि जु कुछ भि त्वेमा च, ऊ सब कुछ बेचि दे अर वे बटि जु कुछ भि मिललु वु सब गरीबों मा बांटि दे। अर मेरु चेला बणि जा, तब त्वेतै स्वर्ग मा खजानु मिललु।”

मरकुस 10:23

अर यीशु न चौतरफि देखि के अपणा चेलों कू बोलि, “सेठ लोगु को परमेस्वर का राज मा दाखिल होण भौत कठिन च।”

मरकुस 6:20

अर हेरोदेस अन्तिपास यूहन्‍ना बटि डऽरदु छौ किलैकि उ जणदु छौ, कि वु एक धरमी अर पवित्र मनखि च, इलै वु यूहन्‍ना की हिफाजत भि करदु छौ, अर वेकी बातों तैं सुणी के भौत उळझण मा पोड़ि जान्दु छौ, मगर फिर भि राजा वेकी बातों तैं खुशी से सुणदु छौ।

मरकुस 6:26

अर यू सुणी के राजा दुखी ह्‍वे गै, मगर वीं कसम की वजै से ज्वा वेन वींका दगड़ा मा खईं छै, अर उख बैठयां लोगु की वजै वेन वीं की मांग तैं नि टाळि।

लूका 12:15

अर वेन यू भि बोलि, “ध्यान रखा, हरेक किसम का लालच बटि खुद तैं बचै के रखा, किलैकि मनखि का जीवन की कीमत वेका जैजाद बटि नि नपै जै सकदी।”

लूका 18:23

जब वेन यू सुणी त उ भौत उदास ह्‍वे गै, किलैकि उ भौत बड़ु सेठ छौ।

2 कुरिन्थि 7:10

किलैकि पिता परमेस्वर की तरफा बटि औण वळु दुख हमतै छुटकारा की तरफा लेके जान्दु, मगर दुख औण का बाद भि जु लोग पस्ताप नि करदिन, ऊं खुणि वु दुख मौत की सजा तैं पैदा करदु।

इफिसुस 5:5

किलैकि तुम ईं बात का बारा मा भौत अच्छे से जणद्‍यां, कि गळत सम्बन्ध रखण, अर पवित्र जीवन नि जीण, लालच, यू सब मूरत पूजा करण का बराबर च, अर इन्द्रया लोगु की यीशु मसीह अर पिता परमेस्वर का राज मा कुई जगा नि च।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।