मरकुस 1:32 - Garhwali

³² अर रुमुक होण का बाद, लोग अफ दगड़ा मा भौत सा बिमारों तैं अर इन्द्रया लोगु तैं भि जौं पर खबेस लग्यां छा यीशु का पास लेके ऐनी।

गढवली नयो नियम

³² वे दिन शाम बगत जब की विश्राम को दिन बीति गै छो सूरज डुबि गै त वे नगर का भौत सारा लोग जु बिमार छा अर ऊं तैं, भि जौं पर दुष्टात्मा लगिं छै ऊं सभियूं तैं यीशु मा लैनि।

मरकुस 1:32 ပူးပေါင်းရင်းမြစ်များ

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

मत्ती 8:16

अर जब रुमुक ह्‍वे, त लोग अफ दगड़ा मा भौत सा इन्द्रया लोगु तैं यीशु का पास लेके ऐनी, जौं पर खबेस लग्यां छा, अर वेन ऊं खबेसों तैं अपणा वचन का द्‍वारा निकाळि दिनी, अर सब बिमार लोगु तैं खूब कैरी दिनी।

मत्ती 8:17

अर इन इलै ह्‍वे, ताकि उ वचन पूरु ह्‍वे जौ जु कि यशायाह रैबर्या न बोलि छौ। अर उ वचन इन च कि, “वेन हमरि कमजोरियों तैं ले लिनी, अर इख तक कि हमरि बिमारियों तैं भि अफ पर ले लिनी।”

मरकुस 1:21

फिर यीशु अर वेका चेला गलील मुलक का कफरनहूम नगर मा ऐनी, अर जब सब्त को दिन ऐ त यीशु तुरन्त प्रार्थना भवन मा गै, अर लोगु तैं उपदेस देण लगि गै।

मरकुस 1:31

अर यीशु न वींका पास ऐके वींको हाथ पकड़ी के उठे, अर वींको जौर उतरि गै, तब वा ऊंकी सेवा-भगत करण लगि गै।

मरकुस 3:2

अर कुछ लोग यीशु की ताक मा छा, कि उ सब्त का दिन पर वे मनखि तैं खूब करदु च कि ना, ताकि वु वे पर इळजाम लगै सैका।

लूका 4:40

अर रुमुक का बगत जौं-जौं का इख बन्‍नि-बन्‍नि किसमे की बिमारि मा लोग पोड़यां छा, ऊ सब ऊं लोगु तैं यीशु का पास लैनि। अर वेन एक-एक पर हाथ रखी के ऊंतैं खूब कैरी देई।

लूका 4:41

अर खबेस भि चिल्‍लै-चिल्‍लै के बुल्दा छा कि, “तू परमेस्वर को पुत्र छैई,” अर इन बोलि के खबेस लोगु मा बटि निकळि जान्दा छा। पर यीशु खबेसों तैं झिड़कुदु छौ, अर ऊंतैं बोन्‍न नि देन्दु छौ, किलैकि ऊ जणदा छा कि वु मसीह च।