मरकुस 1:27 - Garhwali

²⁷ अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “अरे यू सब क्या होणु च? यू त कुई नयू उपदेस च। अर यू अधिकार पयां मनखि का जन खबेसों तैं भि आज्ञा देन्दु, अर वु वेकी आज्ञा मणदिन।”

गढवली नयो नियम

²⁷ ईं बात पर सब लोग अचम्भो कैरी कै आपस मा एक दुसरा तैं पुछण लगि गैनी, “कि या क्य बात च? यु त कुई नयो उपदेश च जु बड़ा अधिकार का दगड़ी दुष्टात्मा तैं भि झिड़की दींणु च अर उ वेकी झिड़की मणदी छिन।”

मरकुस 1:27 ပူးပေါင်းရင်းမြစ်များ

मत्ती 15:31

अर जब लोगु न देखि कि गूंगा बुलणा छिन, अर लूला-लंगड़ा खूब ह्‍वेके हिटणा छिन, अर अन्धा दिखणा छिन, त भीड़ का लोग दंग ह्‍वेके इस्राएल का परमेस्वर की बडै करण लगि गैनी।

मत्ती 8:9

किलैकि मि भि अधिकारीयों का मूड़ी काम करण वळु मनखि छौं, अर मेरा मूड़ी भि सिपै छिन। अर जब मि एक कू जाणु कू बुल्दु, त उ जान्दु च अर जब दुसरा कू औणु कू बुल्दु, त उ औन्दु च। अर जब मि अपणा नौकर तैं कुछ करणु कू बुल्दु छौं, त उ वेतैं करदु च।”

मत्ती 9:33

अर जब यीशु न वे खबेस तैं निकळि दिनी, त गूंगु मनखि बुलण लगि गै। अर यू देखि के भीड़ का लोग हकदक ह्‍वेके बोन्‍न लगि गैनी, “हम इस्राएली लोगु मा इन्द्रयो काम अभि तक कैन नि देखि”

मरकुस 1:26

तब वे खबेस न वेतैं मरोड़ि, अर चिल्‍लै-चिल्‍लै के वेमा बटि भैर निकळि गै।

मरकुस 1:28

अर यीशु की चर्चा तुरन्त पूरा गलील मुलक मा फैली गै।

मरकुस 10:24

वेका चेला या बात सुणी के दंग ह्‍वे गैनी। पर यीशु न ऊंकू फिर से बोलि, “बच्‍चों सुणा, जु लोग अपणी जमीन-जैजाद पर भरोसा रखदिन, ऊ खुणि परमेस्वर का राज मा दाखिल होण बड़ु कठिन च।

मरकुस 10:32

अर यीशु अर वेका चेला यरूशलेम नगर कू जाणा छा, अर वे बाटा मा वु चेलों का अगनै-अगनै छौ। अर चेला बड़ा ताजुब मा छा, अर भीड़ का जु लोग वेका पिछनै-पिछनै औणा छा वु भि डऽरयां छा। तब यीशु अपणा बारह चेलों तैं अलग लि गै, अर अफ पर होण वळी बातों का बारा मा बतौण लगि गै।

मरकुस 16:5

अर जब वु कबर का भितर गैनी, त ऊंन देखि कि एक ज्वान सफेद कपड़ा पैरयूं दैंणी तरफा बैठयूं च, अर वेतैं देखि के वु भौचक ह्‍वे गैनी।

मरकुस 16:6

पर वेन ऊंकू बोलि, “सुणा, ताजुब नि कैरा, नासरत गौं का जै यीशु तैं क्रूस पर चड़ये गै छौ, जैतैं तुम खुज्याणा छाँ, उ मुरदो मा बटि ज्यून्दु ह्‍वे गै। अर देखा, या वा ही जगा च जख ऊंन वेतैं रखी छौ, मगर अब उ इख नि च।

मरकुस 7:37

अर जथगा भि लोगु न यीशु का बारा मा सुणी वु सब हैरान ह्‍वेके बुलण लगि गैनी कि, “वेन जु कुछ भि कैरी वु सब ठिक कैरी, अरे वु त बैरो तैं सुनणे की अर गूंगों तैं बुलणै की ताकत देन्दु।”

लूका 4:36

अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “येका शब्दों मा कन्दरि ताकत च? किलैकि यू खबेसों तैं भि अधिकार अर शक्‍ति से आज्ञा देन्दु, अर ऊ निकळि जनदिन।”

लूका 9:1

तब यीशु न बारह चेलों तैं एक साथ बुलै, अर ऊंतैं सब खबेसों तैं निकळणु को अर बिमारियों तैं खूब करण की सामर्थ अर अधिकार दिनी।

खास चेलों 17:19

तब यू लोग पौलुस तैं पकड़ी के अरियुप्गुस न्याय की जगा पर लि गैनी, अर ऊंन वेकू बोलि, “तू जिं नयी शिक्षा का बारा मा बतौणी छैई, वा हमतै बतौ, कि वा क्या च?