मत्ती 8:4 - Garhwali

⁴ अर यीशु न वेकू बोलि, “पर सुण, येका बारा मा कै मा कुछ भि नि बोलि, मगर जा, अर अफ तैं पुरोहित मा दिखौ। अर अपणा शुद्ध होण का खातिर लोगु का समणि मूसा का दिया नियम-कानूनों का मुताबिक भेंट चड़ौ, ताकि वु लोग खुद ईं बात का गवा ह्‍वे जा, कि तू शुद्ध ह्‍वे गै।”

गढवली नयो नियम

⁴ यीशु ल वेकु बोलि, “देख कै मा भि कुछ नि बोलि, कि मिल त्वे तैं ठिक कैरी पर जै के अफ तैं यहूदी याजक तैं दिखौ, अर अपड़ा कोढ़ बट्टी शुद्ध हूंणा का बारा मा जु कुछ चढ़ावा मूसा ल ठैरे उ सब परमेश्वर तैं भेंट चढ़ौ, कि ऊं पर गव्है हो।”

मत्ती 8:4 ပူးပေါင်းရင်းမြစ်များ

मत्ती 10:18

अर मेरी वजै से वु तुमतै सासन करण वळो अर राजाओं का समणि लि जाला, अर यू वु अवसर होलु जब तुम यों का अर ऊं लोगु का समणि मेरा गवा ह्‍वा जु यहूदी जाति का नि छिन।

मत्ती 16:20

तब यीशु न चेलों तैं चितै के बोलि कि, “या बात कै मा नि बुलयां कि मि मसीह छौं।”

मत्ती 17:9

यीशु अर वेका तीन चेला ये ढौंडा बटि मूड़ी औणा छा, त वेन ऊंतैं या आज्ञा देई, “जब तक मनखि को पुत्र मुरदो मा बटि ज्यून्दु नि ह्‍वे जौ, तब तक जु कुछ भि तुमुन देखि वेका बारा मा कै मा नि बुलयां।”

मत्ती 3:15

तब यीशु न वेतैं जबाब दिनी, “अबरि जन होणु च तू वेतैं होण दे, किलैकि हम खुणि यू जरुरी च, कि जन परमेस्वर की मनसा च हम वींतैं उन्‍नि पूरु कैरा।” तब यूहन्‍ना न वेकी बात माणी दिनी।

मत्ती 5:17

“अर यीशु न ऊंकू इन भि बोलि कि, ‘इन नि सोचा, कि मि मूसा का दियां नियम-कानूनों तैं या रैबर्यों का द्‍वारा लिखीं बातों तैं रद्‍द करणु खुणि अयूं छौं। अरे, मि ऊंतैं रद्‍द करणु खुणि ना, पर पूरु करणु खुणि अयूं छौं।

मत्ती 6:1

तब यीशु न लोगु कू बोलि कि, “चौकस रा, तुम लोगु तैं दिखौणु खुणि धरमी बणणो को काम नि कैरा, निथर तुमतै स्वर्ग मा रौण वळा अपणा पिता परमेस्वर बटि कुई इनाम नि मिलण।

मत्ती 9:30

अर ऊंका आंखा खुलि गैनी। तब यीशु न ऊंतैं चितै के बोलि, “ईं बात का बारा मा कैतैं पता नि चलण चयेणु।”

मरकुस 13:9

“पर तुम अपणा बारा मा चौकस रा, किलैकि लोग तुमतै न्याय समितियों का हवाला करला अर तुमतै प्रार्थना भवनों मा पिटला, अर मेरा खातिर लोग तुमतै अधिकारीयों अर राजाओं का समणि खड़ा करला, अर यू वु अवसर होलु, जब तुम मेरा बारा मा बता।

मरकुस 3:12

मगर यीशु ऊंतैं आदेस देके बुल्दु छौ कि, “मेरा बारा मा इन परगट नि कैरा कि मि कु छौं।”

मरकुस 5:43

फिर वेन ऊंतैं चितै के आज्ञा दिनी, कि या बात कैतैं भि पता नि चलु। अर वींका ब्वे-बाब कू वेन बोलि, “वींतैं खाणु कू कुछ द्‍या।”

मरकुस 6:11

अर अगर वीं जगा का लोग तुमरि बातों तैं स्वीकार नि करला अर तुमरि नि सुणला, त उख बटि निकळण दौं अपणा खुटों पर लगीं धूळ तैं उखि झाड़ि द्‍या, ताकि इन कैरिके ऊंका खिलाप मा गवै हो।”

मरकुस 7:36

तब यीशु न ऊं लोगु तैं चितै के बोलि कि ईं बात का बारा मा कै मा नि बुलयां, मगर यीशु जथगा ऊंतैं रुकदु छौ, लोग उथगा ही वेका बारा मा बखान करण लगि गैनी।

मरकुस 8:30

तब यीशु न चेलों तैं चितै के बोलि कि, “मेरा बारा मा कैतैं नि बतयां।”

मरकुस 9:9

अर यीशु अर वेका तीन चेला ये ढौंडा बटि मूड़ी औणा छा, त वेन ऊंतैं या आज्ञा देई कि जबरि तक मनखि को पुत्र मुरदो मा बटि ज्यून्दु नि ह्‍वे जौ, तबरि तक जु तुमुन देखि वेका बारा मा कै मा नि बुलयां।

लूका 17:14

अर वेन ऊंतैं देखि के बोलि, “जा, अर अपणी जाँच-पड़ताल पुरोहितों बटि करावा।” अर बाटा मा जान्दी दौं वु लोग शुद्ध ह्‍वे गैनी।

लूका 21:13

पर मि तुमतै बतै देन्दु कि, यू वु अवसर होलु जब तुम मेरा बारा मा गवै दिल्या।

लूका 4:41

अर खबेस भि चिल्‍लै-चिल्‍लै के बुल्दा छा कि, “तू परमेस्वर को पुत्र छैई,” अर इन बोलि के खबेस लोगु मा बटि निकळि जान्दा छा। पर यीशु खबेसों तैं झिड़कुदु छौ, अर ऊंतैं बोन्‍न नि देन्दु छौ, किलैकि ऊ जणदा छा कि वु मसीह च।

लूका 5:14

तब यीशु न वेतैं चितै अर बोलि, “येका बारा मा कै मा कुछ भि नि बोलि, पर जा अर खुद तैं पुरोहित मा दिखौ। अर अपणा शुद्ध होण का बारा मा मूसा का दिया नियम-कानूनों का मुताबिक भेंट चड़ौ, ताकि लोग समझि सैका कि तू शुद्ध ह्‍वे गै।”

लूका 8:56

अर वींका ब्वे-बाब यू देखि के हकदक ह्‍वे गैनी, पर यीशु न ऊंतैं चितै कि इख जु कुछ भि ह्‍वे, वेका बारा मा कै बटि कुछ नि बुलयां।

लूका 9:21

तब यीशु न चेलों तैं चितै के बोलि कि, “या बात कै मा नि बुलयां।”

यूहन्ना 5:41

“मि मनखियों बटि आदर-सम्मान नि चान्दु।

यूहन्ना 7:18

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

यूहन्ना 8:50

अर मि अपणु आदर-सम्मान नि चान्दु, पर एक च जु मेरु आदर-सम्मान चान्दु अर उई न्याय भि करदु च।